كەزدەسۋ بارىسىندا جانسەيىت تۇيمەبايەۆ مارتەبەلى مەيمانعا جىلدىڭ باسىندا رەسمي تۇردە باستالعان قازاقستانداعى ديپلوماتيالىق ميسسياسىنا ساتتىلىك تىلەپ، ىنتىماقتاستىق جىلدارىندا قازاقستان مەن ءۇندىستان ءىرى ساۋدا جانە ينۆەستيسيالىق ارىپتەسكە اينالعانىن اتاپ ءوتتى.
بۇگىندە ەكى ەل اراسىندا ءوزارا ءتيىمدى سەرىكتەستىك پەن وتە تىعىز قارىم-قاتىناس ورناتىلعان. تاۋەلسىزدىك العان جىلداردان بەرى قازاقستانعا ءۇندىستاننان 339،6 ملن. اقش دوللارىن قۇرايتىن ينۆەستيسيا تارتىلعان. ال وتكەن جىلى قوس ەلدىڭ اراسىنداعى تاۋار اينالىمى - 945،7 ملن. اقش دوللارىن قۇراسا، ونىڭ ىشىندە ەكسپورت - 733،2 ملن. اقش دوللارىن، يمپورت - 2،12 ملن اقش دوللارىن قۇراعان.
وڭتۇستىك قازاقستان حالقىنىڭ تىعىز ورنالاسۋ جاعىنان قازاقستانداعى العاشقى وبلىستاردىڭ ءبىرى ەكەنىن ايتقان ءوڭىر باسشىسى مۇندا وندىرىستىك جانە ەكونوميكالىق الەۋەتى مول اگرارلىق-يندۋستريالىق ايماق ەكەنىن جەتكىزدى. سوندىقتان دا وڭتۇستىك پەن ءۇندىستاننىڭ وڭىرلەرى اراسىندا ءوزارا ءتيىمدى ساۋدا-ەكونوميكالىق قاتىناستاردى دامىتۋ جانە مادەني-گۋمانيتارلىق ىنتىماقتاستىقتى ارتتىرۋعا مۇمكىندىكتىڭ مول ەكەنىنە سەنىم ءبىلدىردى.
ءوز كەزەگىندە ءۇندىستان ەلشىسى تۋريزم، مادەنيەت جانە ءبىلىم سالاسىندا ارىپتەستىكتى دامىتۋعا دايىن ەكەنىن ايتىپ، 2017 جىلدىڭ ءساۋىر ايىندا ءۇندىستان دەلەگاسياسى وڭتۇستىك قازاقستاندا جۇمىس ساپارىمەن بولعانىن ەسكە سالدى. ماقتا ەكسپورتىن دامىتۋ بويىنشا قۇرالعان ءۇندىستاندىق دەلەگاتتار وڭتۇستىك وڭىرىندەگى ءبىرقاتار جەڭىل ونەركاسىپ سالاسىنداعى كاسىپورىنداردىڭ جۇمىسىمەن تانىسقانىن ايتقان ەلشى وسى باعىتتا دا ارىپتەستىك ورناتۋعا دايىن ەكەنىن ءمالىم ەتتى.
سونىمەن قاتار، وسى كۇنى ءۇندىستاننىڭ قازاقستانداعى توتەنشە جانە وكىلەتتى ەلشىسى پرابحات كۋماردىڭ قاتىسۋىمەن شىمەنت قالاسىنداعى دەندروساياباقتا اعاش وتىرعىزىلدى.
وقو اكىمىنىڭ باسپا ءسوز قىزمەتى
