Buǵan deiin úsh aýysymda bilim berip kelgen Jańaaýyl aýyldyq okrýgindegi Yntymaq aýylynda ornalasqan Turar Rysqulov atyndaǵy jalpy orta mektebine at basyn burdy.
Biylǵy oqý jylynda paidalanýǵa berilgen 600 oryndyq jańa mektep syńǵyrlap tur. Zamanaýi talapqa sai jabdyqtalǵan jańa mektepte bilimgerlerdiń sapaly bilim, sanaly tárbie alýyna barlyq jaǵdai jasalǵan. Kompiýter synyptary, zertteý júrgizýge tolyq múmkindik beretin barlyq qural jabdyqpen jabdyqtalǵan himiia, biologiia kabinetteri bar.
Óńir basshysy oblystyń shalǵai shetinde ornalasqan aýdanda ashylǵan mekteptiń qala mektepterinen esh kem emestigine kóz jetkizdi.
Zamanaýi talapqa sai salynǵan, sáýletti synyptardardy aralap kórdi. Shákirttermen tildesip, olardyń sabaqtaryn úzdik oqyp, elimizdiń kemel keleshegi úshin aianbaityn úlgili azamattary bolýǵa shaqyrdy. Elimizdiń erteńi sanalar jas óskinderdiń qandai mamandyq iesi bolǵylary keletindikterin de suraýdy esten shyǵarmady.
JanseiitTúimebaev, oblys ákimi: «Ár synypta 5-6 toptan bar eken. Bul demografiialyq jaǵdaidyń jaqsy ekendiginiń kórsetkishi. Aýdan maqta sharýashylyǵyna beiimdelgendikten aldaǵy ýaqytta orta arnaýly oqý oryndarynda atalmysh sharýashylyqqa qajetti maman daiarlaityn bólimder ashý qajet. Bul óz kezeginde maman tapshylyǵyn joiady».
