Jiyn barysynda aimaq basshysy jalyndy jastardy túrki áleminiń rýhani astanasy atanǵan óńirdiń órkendeýine úles qosýǵa shaqyrdy.
– Elbasy Nursultan Nazarbaev halyqqa arnaǵan Joldaýynda 2019 jyldy «Jastar jyly» dep jariialady. Muny oblys halqynyń jastary erekshe yqylaspen qabyldady. Qazirgi tańda Jastar jylyn ótkizý jónindegi el Úkimeti jol kartasyn ázirleýde. Bul jobaǵa Túrkistan qalasynda ótetin iri kólemdi halyqaralyq is-sharalar engizilýde. Máselen, keler jyly Orta Aziia elderi jastarynyń Forýmy, túrki tildes memleketterdiń jastarynyń kongresi uiymdastyrylmaq. Sondai-aq, oblystaǵy ár aýdannyń belsendi jastary ai saiyn «Túrkistanǵa tartý» atty shyǵarmashylyq sharalar ótkizilmek. Barshańyzdy osy syndy igilikti istiń qasynda bolyp, Túrkistanymyzdy damytýǵa shaqyramyn, – dedi Janseiit Qanseiituly.
– Qazirgi tańda óńirimizdiń jastary túrli salalardaǵy baiqaýlar men saiystarda biik belesterdi baǵyndyryp júr. Bul rette, jastarǵa jasalyp jatqan qoldaýdyń mańyzy orasan zor. Búginde jatyqtyrýshynyń da qyzmetin qosa atqarýdamyn. Munyń barlyǵy Sizdiń bizderge degen senimińiz, jas sportshylardyń boiyna artylǵan úlken úmit. Oblys ortalyǵynyń Túrkistan qalasyna aýysýy toǵyz qumalaq sport túriniń odan ary jandanýyna múmkindik beretinin aitqym keledi. Iaǵni, jańa ǵimarattar men sport alańshalarynyń salynýy jas sportshylardyń jańa qyrynan kórinýine esik ashatyny sózsiz. Osy múmkindikterdi paidalanyp oblysymyzdyń tek aldyńǵy qatardan kórinýine úles qosatynymyzǵa senim bildirgim keledi, – dedi Ásel Egizbaiqyzy.
Aita keteiik, 3 kúnge jalǵasatyn forým «Tereń tarihtan – jarqyn bolashaqqa!» atty respýblikalyq pikir-saiys týrnirimen bastaý aldy. Saltanatty jiynǵa oblys ákimi J.Túimebaev arnaiy qatysyp, qatysýshylarǵa sáttilik tiledi. Debat oiynynda qatysýshylar eldegi jastar saiasaty men túrki áleminiń rýhani astanasy atanǵan Túrkistan qalasyn damytýǵa bailanysty keleli máselelerin ortaǵa saldy. Saiysqa respýblikanyń barlyq aimaqtarynan 2 adamnan qurylǵan 75 komanda qatysty.
Sondai-aq, forým qatysýshylary Túrkistan qalasyndaǵy «Qoja Ahmet Iasaýi» kesenesi, Saýran qalashyǵy jáne Otyrar aýdanyndaǵy «Arystan bab» kesenesi, «Rýhaniiat Ábý-Nasyr Ál-Farabi» murajaiy, «Kóne Otyrar tóbe» qalashyǵyn aralap, tarihymen tanysty. Sondai-aq, forým aiasynda jastarǵa arnalǵan «IntellectGAME» ziiatkerlik oiyndary jáne halyqaralyq «Jaidarman» saiysy ótedi. Oǵan Qyrǵystan, Ózbekstan, Bashqurstan, Tatarstan, Túrkimenstan, Túrkiia Respýblikalarynyń qurama komandalary jáne elimizdiń ázilkeshteri qatysady dep kútilýde.
Túrkistan oblysy ákiminiń baspasóz qyzmeti
