Ońtústik Qazaqstan oblysynda Elbasynyń «Tórtinshi ónerkásiptik revoliýtsiia jaǵdaiynda damýdyń jańa múmkindikteri» atty Joldaýynda aiqyndalǵan mindetterdi talqylaýǵa arnalǵan aktiv jiyny ótti. Óńir basshysynyń tóraǵalyǵymen ótken sharaǵa basqarma basshylary, aýdan, qala ákimderi, máslihat depýtattary, ardagerler, oblystaǵy ziialy qaýym jáne qoǵamdyq uiym men BAQ ókilderi qatysty. Jiyndy oblys ákimi Janseiit Túimebaev ashyp, biylǵy Joldaýdyń el damýyna tyń qarqyn beretin jańa baǵdardy usynyp otyrǵanyna toqtaldy.
Kún tártibinde Elbasy Joldaýynda belgilengen tapsyrmalardy iske asyrýdaǵy oblystyń atqarýshy organdarynyń mindetteri qaraldy. Oblys basshysy óz sózinde Memleket basshysy ataǵan 10 basymdyqtyń árqaisysy oblys ekonomikasymen tyǵyz bailanysty ekenin aita kelip, Joldaý týyndatqan mindetterge keńinen toqtaldy.
– Elbasy Joldaýynda atap kórsetilgen máselelerdi negizge ala otyryp, oblystyń áleýmettik-ekonomikalyq damýy men saiasi turaqtylyqty qamtamasyz etýge bar kúsh-qairatymyzdy jumsaityn bolamyz. Búgingi kúnge Memleket Basshysynyń Joldaýynda belgilengen baǵyttardy oblysymyzda iske asyrý boiynsha naqty is-sharalar men mindetter aiqyndaldy. Birinshi baǵyt boiynsha oblysymyz Qazaqstannyń indýstrialandyrý jáne tehnologiialardy engizý úrdisine belsendi qatysyp, óńir azamattarynyń jahandyq báseke qabilettiligin arttyrý qajet. Oblysymyzda indýstriialandyrý kartasy aiasynda 1,3 trln. teńgeni quraityn 137 joba júzege asyrylýda, onda 18 myńnan astam jumys orny ashylatyn bolady. 2018 jyly oblysymyzda «Indýstriialandyrý kartasy» sheńberinde joǵarǵy zamanaýi 9 joba iske qosylady, – dedi Janseiit Qanseiituly.
Jaryssózge shyqqan Qoǵamdyq keńestiń tóraǵasy, oblystyq máslihattyń depýtaty Ómirzaq Meldehanov Elbasy Joldaýynda aitylǵan negizgi basymdyqtarǵa toqtalyp, mańyzdy qujatty nasihattaýda kóp bolyp jumylý kerektigin atap ótti.
Munan soń minberge, QR Memlekettik qyzmet isteri jáne sybailas jemqorlyqqa qarsy is-qimyl Agenttiginiń OQO boiynsha departamentiniń basshysy Áli Kómekbaev shyǵyp, tiimdi memlekettik basqarý, jemqorlyqpen kúres boiynsha oilarymen bólisti.
Ońtústik Qazaqstan oblysynyń qurmetti azamaty, Rozaqul Qalmuratov, Maqtaral aýdanynyń qurmetti azamaty Toiym Júnisov, oblystyq «Iýjnyi Kazahstan» qoǵamdyq saiasi gazetiniń bas redaktory Marina Limarenkolar Joldaý júktegen mindetter týraly pikirlerin ortaǵa saldy.
Jiyn sońynda oblys ákimi J. Túimebaev oblysta Joldaýdy óńir turǵyndaryna keńinen túsindiretin aqparattyq nasihat toptaryn qurýdy, media-jospar daiyndap, nasihat jumystaryn jandandyrýdy júkteldi.
Budan bólek, oblystyq ekonomika jáne biýdjettik josparlaý basqarmasyna aǵymdaǵy jylǵy 25 qańtarǵa deiin Joldaýda kórsetilgen 10 mindetti oblys kóleminde júzege asyrý jóninde barlyq salalar boiynsha usynystardy jinaqtap, oblystyq is-sharalar josparyn ázirlep bekitý tapsyryldy.
OQO ákiminiń baspasóz qyzmeti
