وڭتۇستىك قازاقستان وبلىسىندا ەلباسىنىڭ «ءتورتىنشى ونەركاسىپتىك ريەۆوليۋسيا جاعدايىندا دامۋدىڭ جاڭا مۇمكىندىكتەرى» اتتى جولداۋىندا ايقىندالعان مىندەتتەردى تالقىلاۋعا ارنالعان اكتيۆ جيىنى ءوتتى. ءوڭىر باسشىسىنىڭ توراعالىعىمەن وتكەن شاراعا باسقارما باسشىلارى، اۋدان، قالا اكىمدەرى، ءماسليحات دەپۋتاتتارى، ارداگەرلەر، وبلىستاعى زيالى قاۋىم جانە قوعامدىق ۇيىم مەن ب ا ق وكىلدەرى قاتىستى. جيىندى وبلىس اكىمى جانسەيىت تۇيمەبايەۆ اشىپ، بيىلعى جولداۋدىڭ ەل دامۋىنا تىڭ قارقىن بەرەتىن جاڭا باعداردى ۇسىنىپ وتىرعانىنا توقتالدى.
كۇن تارتىبىندە ەلباسى جولداۋىندا بەلگىلەنگەن تاپسىرمالاردى ىسكە اسىرۋداعى وبلىستىڭ اتقارۋشى ورگاندارىنىڭ مىندەتتەرى قارالدى. وبلىس باسشىسى ءوز سوزىندە مەملەكەت باسشىسى اتاعان 10 باسىمدىقتىڭ ءارقايسىسى وبلىس ەكونوميكاسىمەن تىعىز بايلانىستى ەكەنىن ايتا كەلىپ، جولداۋ تۋىنداتقان مىندەتتەرگە كەڭىنەن توقتالدى.
– ەلباسى جولداۋىندا اتاپ كورسەتىلگەن ماسەلەلەردى نەگىزگە الا وتىرىپ، وبلىستىڭ الەۋمەتتىك-ەكونوميكالىق دامۋى مەن ساياسي تۇراقتىلىقتى قامتاماسىز ەتۋگە بار كۇش-قايراتىمىزدى جۇمسايتىن بولامىز. بۇگىنگى كۇنگە مەملەكەت باسشىسىنىڭ جولداۋىندا بەلگىلەنگەن باعىتتاردى وبلىسىمىزدا ىسكە اسىرۋ بويىنشا ناقتى ءىس-شارالار مەن مىندەتتەر ايقىندالدى. ءبىرىنشى باعىت بويىنشا وبلىسىمىز قازاقستاننىڭ يندۋستريالاندىرۋ جانە تەحنولوگيالاردى ەنگىزۋ ۇردىسىنە بەلسەندى قاتىسىپ، ءوڭىر ازاماتتارىنىڭ جاھاندىق باسەكە قابىلەتتىلىگىن ارتتىرۋ قاجەت. وبلىسىمىزدا يندۋستريالاندىرۋ كارتاسى اياسىندا 1،3 ترلن. تەڭگەنى قۇرايتىن 137 جوبا جۇزەگە اسىرىلۋدا، وندا 18 مىڭنان استام جۇمىس ورنى اشىلاتىن بولادى. 2018 جىلى وبلىسىمىزدا «يندۋستريالاندىرۋ كارتاسى» شەڭبەرىندە جوعارعى زاماناۋي 9 جوبا ىسكە قوسىلادى، – دەدى جانسەيىت قانسەيىت ۇلى.
جارىسسوزگە شىققان قوعامدىق كەڭەستىڭ ءتوراعاسى، وبلىستىق ءماسليحاتتىڭ دەپۋتاتى ءومىرزاق مەلدەحانوۆ ەلباسى جولداۋىندا ايتىلعان نەگىزگى باسىمدىقتارعا توقتالىپ، ماڭىزدى قۇجاتتى ناسيحاتتاۋدا كوپ بولىپ جۇمىلۋ كەرەكتىگىن اتاپ ءوتتى.
مۇنان سوڭ مىنبەرگە، ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وقو بويىنشا دەپارتامەنتىنىڭ باسشىسى ءالي كومەكبايەۆ شىعىپ، ءتيىمدى مەملەكەتتىك باسقارۋ، جەمقورلىقپەن كۇرەس بويىنشا ويلارىمەن ءبولىستى.
وڭتۇستىك قازاقستان وبلىسىنىڭ قۇرمەتتى ازاماتى، روزاقۇل قالمۇراتوۆ، ماقتارال اۋدانىنىڭ قۇرمەتتى ازاماتى تويىم ءجۇنىسوۆ، وبلىستىق «يۋجنىي كازاحستان» قوعامدىق ساياسي گازەتىنىڭ باس رەداكتورى مارينا ليمارەنكولار جولداۋ جۇكتەگەن مىندەتتەر تۋرالى پىكىرلەرىن ورتاعا سالدى.
جيىن بارىسىندا ەلباسىمىزدىڭ جولداۋىن وڭىرىمىزدە جۇزەگە اسىرۋ جونىندە ارنايى قارار جوباسى ۇسىنىلدى. قارار ءماتىنىن جازۋشى مارحابات بايعۇت تانىستىرىپ، جينالعاندار ءبىراۋىزدان قابىلدادى.
جيىن سوڭىندا وبلىس اكىمى ج. تۇيمەبايەۆ وبلىستا جولداۋدى ءوڭىر تۇرعىندارىنا كەڭىنەن تۇسىندىرەتىن اقپاراتتىق ناسيحات توپتارىن قۇرۋدى، مەديا-جوسپار دايىنداپ، ناسيحات جۇمىستارىن جانداندىرۋدى جۇكتەلدى.
بۇدان بولەك، وبلىستىق ەكونوميكا جانە بيۋدجەتتىك جوسپارلاۋ باسقارماسىنا اعىمداعى جىلعى 25 قاڭتارعا دەيىن جولداۋدا كورسەتىلگەن 10 مىندەتتى وبلىس كولەمىندە جۇزەگە اسىرۋ جونىندە بارلىق سالالار بويىنشا ۇسىنىستاردى جيناقتاپ، وبلىستىق ءىس-شارالار جوسپارىن ازىرلەپ بەكىتۋ تاپسىرىلدى.
وقو اكىمىنىڭ باسپا ءسوز قىزمەتى
