– Memlekettik qyzmet – bul barlyq memlekettik basqarý júıesiniń eń mańyzdy tetikteriniń biri. Kez kelgen qoǵam memlekettik basqarýsyz, ıaǵnı memlekettik qyzmetshilersiz áreket etýi, alǵa jyljyp damýy múmkin emes. Qazirgi qoǵamnyń talaptaryna saı bılikke degen senim de memlekettik qyzmetshige qarap qalyptasady. Oblysmyzdyń qarqyndy damýy Sizderdiń kásibı sheberlikterińizge, tájirıbelerińizge, umtylystar men erik-jigerlerińizge tikeleı baılanysty. Sizderdi taǵy da kásibı merekelerińizben shyn júrekten quttyqtaımyn!, – dedi J.Túımebaev.
Saltanatty jıynda memlekettik qyzmet salasynda kóp jyldar boıy abyroıly qyzmet atqaryp, óz laýazymdyq mindetterin múltiksiz oryndaǵan, jumys barysynda qol jetkizgen tabystary men joǵarǵy kórsetkishteri úshin birqatar memlekettik qyzmetshiler ákimniń qolynan «Úzdik memlekettik qyzmetshi» tós belgisi men Ońtústik Qazaqstan oblysynyń «Oblysqa sińirgen eńbegi úshin» belgisin, Ońtústik Qazaqstan oblysy ákiminiń Gramotasy jáne Alǵys hatyn alsa, kóptegen azamattar QR Memlekettik qyzmet isteri jáne sybaılasqa qarsy is-qımyl agentigi Tóraǵasynyń Alǵys hatymen, Ońtústik Qazaqstan oblystyq máslıhatynyń Gramotasymen, jalpy sany 30 azamat marapattaldy. Sondaı-aq, birqatar úzdik memlekettik qyzmetshilerge Túrkıada is-tájirıbe almasý úshin arnaıy sertıfıkattar tabystaldy.
Merekelik shara sońy konserttik baǵdarlamaǵa ulasyp, kásibı mereke ıelerine qurmet kórsetildi.
Jalpy, memlekettik qyzmettiń mansaptyq modeliniń tıimdiligi ushan-teńiz. Elbasynyń tapsyrmasyna sáıkes, mapsaptyq model engizilgennen keıin komandalyq aýysý joıylyp birtindep keledi. Aldyńǵy jyldarmen salystyrǵanda ótken jyly aýysý tártibimen taǵaıyndaý kórsetkishi 58 esege azaıǵany sonyń dáleli.
Jańa zańnyń basty ustanymy memlekettik qyzmetshini adaldyqqa, ádilettilikke, jaýapkershilikke tárbıeleıdi. Osy oraıda, mansaptyq model boıynsha ótken jyly oblysta 402 memlekettik qyzmetshi joǵary laýazymǵa taǵaıyndaldy. Bul kórsetkish 12 paıyzǵa artyp otyr.
OQO ákiminiń baspasóz qyzmeti
