– مەملەكەتتىك قىزمەت – بۇل بارلىق مەملەكەتتىك باسقارۋ جۇيەسىنىڭ ەڭ ماڭىزدى تەتىكتەرىنىڭ ءبىرى. كەز كەلگەن قوعام مەملەكەتتىك باسقارۋسىز، ياعني مەملەكەتتىك قىزمەتشىلەرسىز ارەكەت ەتۋى، العا جىلجىپ دامۋى مۇمكىن ەمەس. قازىرگى قوعامنىڭ تالاپتارىنا ساي بيلىككە دەگەن سەنىم دە مەملەكەتتىك قىزمەتشىگە قاراپ قالىپتاسادى. وبلىسمىزدىڭ قارقىندى دامۋى سىزدەردىڭ كاسىبي شەبەرلىكتەرىڭىزگە، تاجىريبەلەرىڭىزگە، ۇمتىلىستار مەن ەرىك-جiگەرلەرىڭىزگە تىكەلەي بايلانىستى. سىزدەردى تاعى دا كاسىبي مەرەكەلەرىڭىزبەن شىن جۇرەكتەن قۇتتىقتايمىن!، – دەدى ج.تۇيمەبايەۆ.
سالتاناتتى جيىندا مەملەكەتتىك قىزمەت سالاسىندا كوپ جىلدار بويى ابىرويلى قىزمەت اتقارىپ، ءوز لاۋازىمدىق مىندەتتەرىن مۇلتىكسىز ورىنداعان، جۇمىس بارىسىندا قول جەتكىزگەن تابىستارى مەن جوعارعى كورسەتكىشتەرى ءۇشىن ءبىرقاتار مەملەكەتتىك قىزمەتشىلەر اكىمنىڭ قولىنان «ۇزدىك مەملەكەتتىك قىزمەتشى» ءتوس بەلگىسى مەن وڭتۇستىك قازاقستان وبلىسىنىڭ «وبلىسقا سىڭىرگەن ەڭبەگى ءۇشىن» بەلگىسىن، وڭتۇستىك قازاقستان وبلىسى اكىمىنىڭ گراموتاسى جانە العىس حاتىن السا، كوپتەگەن ازاماتتار ق ر مەملەكەتتىك قىزمەت ىستەرى جانە سىبايلاسقا قارسى ءىس-قيمىل اگەنتىگى ءتوراعاسىنىڭ العىس حاتىمەن، وڭتۇستىك قازاقستان وبلىستىق ءماسليحاتىنىڭ گراموتاسىمەن، جالپى سانى 30 ازامات ماراپاتتالدى. سونداي-اق، ءبىرقاتار ۇزدىك مەملەكەتتىك قىزمەتشىلەرگە تۇركيادا ىس-تاجىريبە الماسۋ ءۇشىن ارنايى سەرتيفيكاتتار تابىستالدى.
مەرەكەلىك شارا سوڭى كونسەرتتىك باعدارلاماعا ۇلاسىپ، كاسىبي مەرەكە يەلەرىنە قۇرمەت كورسەتىلدى.
جالپى، مەملەكەتتىك قىزمەتتىڭ مانساپتىق مودەلىنىڭ تيىمدىلىگى ۇشان-تەڭىز. ەلباسىنىڭ تاپسىرماسىنا سايكەس، ماپساپتىق مودەل ەنگىزىلگەننەن كەيىن كوماندالىق اۋىسۋ جويىلىپ بىرتىندەپ كەلەدى. الدىڭعى جىلدارمەن سالىستىرعاندا وتكەن جىلى اۋىسۋ تارتىبىمەن تاعايىنداۋ كورسەتكىشى 58 ەسەگە ازايعانى سونىڭ دالەلى.
جاڭا زاڭنىڭ باستى ۇستانىمى مەملەكەتتىك قىزمەتشىنى ادالدىققا، ادىلەتتىلىككە، جاۋاپكەرشىلىككە تاربيەلەيدى. وسى ورايدا، مانساپتىق مودەل بويىنشا وتكەن جىلى وبلىستا 402 مەملەكەتتىك قىزمەتشى جوعارى لاۋازىمعا تاعايىندالدى. بۇل كورسەتكىش 12 پايىزعا ارتىپ وتىر.
وقو اكىمىنىڭ باسپا ءسوز قىزمەتى
