Aldyn-ala anyqtalǵan derek boiynsha, naýqastar qaladaǵy «Iýjnyi» saýda núktesinen balmuzdaq satyp alyp jegen. Olardyń alǵashqy legi Shymkent qalalyq juqpaly aýrýlar aýrýhanasyna 29-30 naýryz kúnderi jetkizilgen. Naýqastar birneshe ret toqtamai qusý men ish ótýge shaǵymdanǵan. Búgingi ýaqytta naýqastardyń 38-i úilerine jiberilse, qalǵandaryna tiisti em-dom kórsetilip jatyr.
Oryn alǵan jaǵdaiǵa bailanysty oblys ákiminiń tapsyrmasymen arnaiy jumys toby qurylyp, qyzmettik tekserý sharalary bastaldy. Naýqastardyń hal-ahýaly oblystyq densaýlyq saqtaý basqarmasynyń jiti qadaǵalaýyna alyndy. Oblys ákimi naýqastardyń tez arada saýyǵyp ketýine barlyq jaǵdailardy jasaý kerektigin eskertip, jaýapty basqarmaǵa qosymsha dáriger mamandardy tartýǵa tapsyrma berdi.
– Barlyq naýqastardyń jaǵdaiymen tanysyp shyqtym. Búgingi kúnge olardyń jaǵdaiy turaqty, barlyq tiisti em-dom kórsetilýde. Aýrýhanada dári-dármek pen tósek oryndary jetkilikti. Eń bastysy – naýqastardyń tez jazylyp ketýine barlyq jaǵdai jasaýymyz qajet. Osy rette men Shymkent qalalyq juqpaly aýrýlar aýrýhanasyndaǵy jumys kestesin kúsheitýdi tapsyramyn, – dedi Janseiit Qanseiituly.
Shtab otyrysynda oryn alǵan oqiǵanyń sebep-saldary talqylandy. Mamandardyń aitýynsha, jiti ishek infektsiia sanitarlyq epidemiologiialyq talaptardyń saqtalmaýynan oryn alǵan. Qazirgi tańda qosymsha saraptama jumystary júrgizilýde. Al mundai dertke shaldyqqandar shuǵyl jasalǵan emennen soń saýyǵyp, otbasylaryna oralýda.
Atalǵan oqiǵaǵa bailanysty óńir basshysy oblystyń memlekettik sanitarlyq-epidemiologiialyq qadaǵalaý departamentiniń jumysyn synǵa aldy. Jalpy qoǵamdyq tamaqtandyrý oryndary turǵyndarǵa qyzmet kórsetýde sanitarlyq normalardy qatań saqtaýǵa mindetti. Eń birinshi kezekte halyqtyń densaýlyǵy qymbat ekenin eskerip, jaýapty departament tamaqtandyrý oryndaryna tiisti qadaǵalaý júrgizýi qajet.
Al oqiǵaǵa orai OQO Ishki ister departamenti qylmystyq is qozǵap, sotqa deiingi tergeý jumystarymen ainalysýda.
OQO ákiminiń baspasóz qyzmeti
