Kásipqoi boksshy Janqosh Turarovtyń advokaty Samat Mamutov baspasóz konferentsiiasynda daýly suraqtarǵa jaýap berdi, - dep habarlaidy Dalanews.kz Massaget.kz-ke siltep.
"Janqoshtyń jaǵynan ondai eshqandai áreket jasalmaǵan (Ánarýdyń otbasyna habarlasyp, aryzdy alyp tastaýdy ótinbegen- esk.). Janqosh aryz boiynsha jalǵan dep esepteidi. Ózin tazamyn dep esepteidi. Keshirim surap nemese aryzyn alyp tastaý týraly ótinish jasaýǵa eshqandai negiz joq", - dedi advokat.
Sonymen qatar, jala jabý deregi boiynsha aryzdanýshyny sotqa berýge nietti ekenin málimdedi.
"Zań talaptaryna sáikes qylmystyq is aiaqtalǵannan keiin sotqa júginýge nietimiz bar. Sebebi qazirgi tańda kiná dáleldenbegen. Tergeý aiaqtalǵanyn kútemiz", - dedi ol.
Sonymen qatar, Janqosh Turarovtyń advokaty aryzdanýshynyń ákesi, tanymal kompozitor Qaldybek Qurmanáli eshqandai bailanysqa shyqpaǵanyn aitty.
"Joq", - dedi advokat.
Sondai-aq Turarovtyń advokaty sportshyny aiyptaǵan qyzdy sotqa beretinin aitty.
"Ánarýdi sotqa berý úshin sotaldy tergeý isi aiaqtalýy kerek. Sebebi qazir ony sotqa bersek te, sotaldy tergeý isiniń aiaqtalýyn kútýimiz kerek. Odan keiin biz sotqa beremiz", - dedi ol jýrnalisterge ótkizgen press-konferentsiiada.
Sondai-aq, ol esirtki men ishimdikke qatysty test tapsyrylǵanyn aitty.
"Quqyǵymyz birdei, sondyqtan tek jábirlenýshiniń sózi ne jelide taraǵan aqparatqa súienip ony kúdikti dep tanýǵa bolmaidy. Is boiynsha dáleldemeler jiyntyǵy bolýy kerek. Saraptamalar, beinejazbalar bolýy kerek. Sotaldy tergep-tekserý bastaldy, saraptamalar taǵaiyndaldy. Psihotropty, alkogolge qatysty test tapsyryldy, bári taza dep kórsetildi", - deidi ol.
Senbi, 24 tamyzda boksshy Janqosh Turarov áleýmettik jeli men BAQ-ta qyzý talqylanyp jatqan daýly máselege qatysty taǵy da málimdeme jasaǵan bolatyn. Sebebi buǵan deiin Ánarý Qaldybekqyzy sportshymen qalai tanys ekenin jáne istiń mán-jaiyn aitqan edi.
Ánarýdyń aitýynsha, ol Janqosh Turarovpen 2018 jyly áleýmettik jeli arqyly tanysqan.
«2018 jyly «VKontakte» áleýmettik jelisi arqyly maǵan ózi birinshi hat jazdy. Meniń sýretterimen lúpil basyp, únemi hat jazyp júrdi. Men ol kezde onyń úilengenin, bala-shaǵasy bar ekenin bilgen joqpyn, boksshy ekenin de bilgen joqpyn. Áleýmettik jelide otbasy týraly eshbir aqparat jazbaǵan. Boidaqpyn dep statýs qoiǵan. Sodan keiin jai ǵana sóilesip júrdim. 2018 jyldyń aqpan aiynda meni kezdesýge shaqyrdy. Ondai jerge jalǵyz barmaityn bolǵan soń qurbymdy ertip aldym. Grýppalas qurbym ekeýmiz kezdesýge bardyq, al onyń janynda kóp adam boldy. Sodan bastap bir ai boiy maǵan hat jazyp júrdi. Maǵan «sen pák qyzsyń, sen taza qyzsyń, maǵan qatty unaisyń» deitin. Biraq, ol kezde men onyń otbasyly adam ekenin bilip, «siz úilengen adam ekensiz, men sizben aralasa almaimyn» dedim. «Joq, men úilengen bolsam da sen maǵan unaisyń, men saǵan aǵalyq qamqorlyq tanytqym keledi, jamandyq oilamaimyn» dedi. Osylai kúnde hat jazatyn. Arada bir ai ótkende maǵan «ákemniń anasy, ájem qatty aýyryp jatyr. Hál ústinde. Seni kórsetkim keledi, kelshi» dep bir meken-jai jiberdi. Men birden bara almaimyn dedim. Biraq, sonyń aldynda, bir jarym jyl buryn men anamnan aiyrylǵan adam retinde onyń ájesi aýyryp qalǵanyna qatty janym ashydy. Sondyqtan, ol meni apasynyń hálin suraýǵa kóndirdi», - deidi Ánarý Qaldybekqyzy.
Sportshy Janqosh Turarov Ánarýdyń osy málimdemesine qatysty baspasóz konferentsiiasyn ótkizbek.
"Maǵan qatysty suhbat berip jatqan adamnyń laily áńgimeleri múldem qyzyq emes. Meniń ómirlik ustanymdarym, maqsattarym múlde basqa. Aqiqat oryn alatynyna senimdimin. Soǵan bailanysty meniń zańdy advokatym baspasóz konferentsiiasyn ótkizetin bolyp sheshti", - dedi ol áleýmettik jelide.
Buǵan deiin tanymal qazaqstandyq boksshy Jankosh Turarov «qyz zorlady» degen aqparat tarap ketti. Máselege Almaty politsiiasy pikir bildirdi.
Politsiianyń málimetinshe, Almaty qalasy Áýezov aýdanynyń Politsiia departamenti qylmystyq is qozǵaǵan.
«Sot-meditsinalyq saraptama taǵaiyndaldy. Qazir oqiǵanyń mán-jaiyn anyqtaý úshin tergeý jalǵasyp jatyr», - dep jazylǵan habarlama.
Keiin Janqosh Turarov ózine taǵylǵan aiyptarǵa jaýap berdi.
«3 qyz ósirip otyrǵan ákemin! Tósektes qyz kerek bolsa maǵan zorlamai-aq keletin jaǵdaiym bar! Qaidan shyqqan jala ekenin ózim de túsinbei otyrmyn, qazir máseleniń mán jaiyn anyqtap, kim qandai jala taǵyp otyrǵanyn anyqtaityn bolamyn», - dedi ol.
