Jelide "Janqosh Turarov zorlady" dep aiyptaǵan Ánarý Qurmanálige qatysty video paida boldy, - dep habarlaidy Dalanews.kz.
Buryn esh jerde jariialanbaǵan video Kozachkov offside Telegram arnasynda shyqty.
Video osydan bir jyl buryn Almatydaǵy meiramhanalardyń birinde túsirilgen.
Videodaǵy áiel telefony urlanǵany týraly aityp, politsiia shaqyrǵan. Telegram málimetinshe, shyn máninde telefony ózinde bolǵany týraly jazylǵan.
Inbusiness saitynyń habarlaýynsha, boksshy zorlady dep shaǵymdanǵan Ánarý Qurmanáli kompozitor Qaldybek Qurmanáli men marqum aqyn Aqmarjan Taýbaevanyń qyzy ekeni belgili boldy.
Ánarý Qurmanáliniń jelidegi paraqshasynda Qaldybek Qurmanáli men Aqmarjan Taýbaevanyń birge túsken sýretteri jariialanǵanyn baiqaýǵa bolady.
Ánarý Qurmanáliniń anasy Aqmarjan Taýbaeva 2016 jyly ómirden ótken. Ánarý Qurmanáli de jaqynda bergen suhbatynda anasynyń ólimi janyna qatty batqanyn aitqan edi.
Senbi, 24 tamyzda boksshy Janqosh Turarov áleýmettik jeli men BAQ-ta qyzý talqylanyp jatqan daýly máselege qatysty taǵy da málimdeme jasaǵan bolatyn. Sebebi buǵan deiin Ánarý Qaldybekqyzy sportshymen qalai tanys ekenin jáne istiń mán-jaiyn aitqan edi.
Ánarýdyń aitýynsha, ol Janqosh Turarovpen 2018 jyly áleýmettik jeli arqyly tanysqan.
«2018 jyly «VKontakte» áleýmettik jelisi arqyly maǵan ózi birinshi hat jazdy. Meniń sýretterimen lúpil basyp, únemi hat jazyp júrdi. Men ol kezde onyń úilengenin, bala-shaǵasy bar ekenin bilgen joqpyn, boksshy ekenin de bilgen joqpyn. Áleýmettik jelide otbasy týraly eshbir aqparat jazbaǵan. Boidaqpyn dep statýs qoiǵan. Sodan keiin jai ǵana sóilesip júrdim. 2018 jyldyń aqpan aiynda meni kezdesýge shaqyrdy. Ondai jerge jalǵyz barmaityn bolǵan soń qurbymdy ertip aldym. Grýppalas qurbym ekeýmiz kezdesýge bardyq, al onyń janynda kóp adam boldy. Sodan bastap bir ai boiy maǵan hat jazyp júrdi. Maǵan «sen pák qyzsyń, sen taza qyzsyń, maǵan qatty unaisyń» deitin. Biraq, ol kezde men onyń otbasyly adam ekenin bilip, «siz úilengen adam ekensiz, men sizben aralasa almaimyn» dedim. «Joq, men úilengen bolsam da sen maǵan unaisyń, men saǵan aǵalyq qamqorlyq tanytqym keledi, jamandyq oilamaimyn» dedi. Osylai kúnde hat jazatyn. Arada bir ai ótkende maǵan «ákemniń anasy, ájem qatty aýyryp jatyr. Hál ústinde. Seni kórsetkim keledi, kelshi» dep bir meken-jai jiberdi. Men birden bara almaimyn dedim. Biraq, sonyń aldynda, bir jarym jyl buryn men anamnan aiyrylǵan adam retinde onyń ájesi aýyryp qalǵanyna qatty janym ashydy. Sondyqtan, ol meni apasynyń hálin suraýǵa kóndirdi», - deidi Ánarý Qaldybekqyzy.
Sportshy Janqosh Turarov Ánarýdyń osy málimdemesine qatysty baspasóz konferentsiiasyn ótkizbek.
"Maǵan qatysty suhbat berip jatqan adamnyń laily áńgimeleri múldem qyzyq emes. Meniń ómirlik ustanymdarym, maqsattarym múlde basqa. Aqiqat oryn alatynyna senimdimin. Soǵan bailanysty meniń zańdy advokatym baspasóz konferentsiiasyn ótkizetin bolyp sheshti", - dedi ol áleýmettik jelide.
Buǵan deiin tanymal qazaqstandyq boksshy Jankosh Turarov «qyz zorlady» degen aqparat tarap ketti. Máselege Almaty politsiiasy pikir bildirdi.
Politsiianyń málimetinshe, Almaty qalasy Áýezov aýdanynyń Politsiia departamenti qylmystyq is qozǵaǵan.
«Sot-meditsinalyq saraptama taǵaiyndaldy. Qazir oqiǵanyń mán-jaiyn anyqtaý úshin tergeý jalǵasyp jatyr», - dep jazylǵan habarlama.
Keiin Janqosh Turarov ózine taǵylǵan aiyptarǵa jaýap berdi.
«3 qyz ósirip otyrǵan ákemin! Tósektes qyz kerek bolsa maǵan zorlamai-aq keletin jaǵdaiym bar! Qaidan shyqqan jala ekenin ózim de túsinbei otyrmyn, qazir máseleniń mán jaiyn anyqtap, kim qandai jala taǵyp otyrǵanyn anyqtaityn bolamyn», - dedi ol.
