"Ókinishke qarai, Asqar Aqaev kezinde bastalǵan oligarhtyq-bandittik-klandyq korrýptsiia Sooronbai Jeenbekov kezinde de jalǵasyp jatyr. Prezidentti tez arada "Raiym million" tobyna zańdyq turǵydan shara qoldanýdy suraimyz. Parlament sailaýyna deiin prezident halyqqa kimdi qoldaitynyn – halyqty ma, álde oligarh-bandittik topty qoldaidy ma, osyny ashyq aitýyn talap etemiz", - dedi Asanov.
Prezident ákimshiligi ázirge bul úndeýge jaýap bermedi.
Memlekettik keden qyzmeti tóraǵasynyń burynǵy orynbasary bolǵan, qoǵamda Raiym Million atymen tanymal Raiymbek Matraimov 2017 jyly qyzmetinen alynǵan.
Byltyr jyldyń sońynda prezident Sooronbai Jeenbekov Matraimovty jaýapkershilikke tartý jóninde suraqqa, "Ol úshin zańdyq turǵydan negiz kerek, saiasi tehnologtar Matraimovtan korrýptsiianer jasap, ony Jeenbekovpen bailanystyrǵysy keledi" dep málimdegen.
Azattyqtyń qyrǵyz qyzmeti, OCCRP jáne Kloop Qyrǵyzstannan iri kólemde qarjynyń qolma-qol qalaisha shetelge shyǵarylǵany jóninde jýrnalistik zertteý jariialaǵan. Bul qarjynyń Raiymbek Matraimovqa tikelei qatysy bolǵany anyqtalǵan.
Biraq material jaryqqa shyqqannan keiin, Raiymbek Matraimov, onyń depýtat baýyry Eskendir Matraimov jáne otbasy músheleri ar-ojdanymyzǵa nuqsan keltirdi degen aiyppen úsh mediaresýrsty sotqa berip, ótemaqy talap etken.
Atap aitqanda, Azattyqtan 22,5 million som, onyń jýrnalisi Ali Toktakýnovtan 10 million, Kloop saitynan 12,5 million som jáne 24.kg saitynan 15 million som talap etip otyr.
Jýrnalistik zertteý boiynsha, eldiń memlekettik ulttyq qaýipsizdik komiteti tekserý júrgizip jatyr.
2019 jyldyń jeltoqsan aiynda Raiymbek Matraimovtyń ózi shetel asqan 700 mln dollarǵa esh qatysym joq degen.
