Bilim alýshylardyń boıyna tarıhı sanany, qazaqstandyq patrıotızmdi, óz eliniń tarıhyna degen qurmetti, ata-babalarymyzdyń jetistikteri úshin maqtanysh sezimin qalyptastyrý, ulttyq jáne jalpy adamzattyq qundylyqtardy darytý maqsatynda qolǵa alynǵan jobanyń alǵashqy sabaǵy ótti.
Túrkistan qalasyndaǵy búkil tarıhı derekterden syr shertetin «Sapar» ortalyǵynda bastalǵan sabaqqa S.Seıfýllın atyndaǵy №4 mektep-lıseıiniń 6-synyp oqýshylary qatysyp, olarǵa «OSST-tur» týrısik kompanıasynyń dırektory, gıd-ekskýrsovod Tóráli Syzdyqov kóne shahar tarıhy jaıly syr shertti.
Sondaı-aq erekshe dáris «Áziret Sultan» kesenesi aýmaǵyndaǵy tarıhı ári týrısik oryndarda jalǵasty. Ekskýrsıa barysynda oqýshylar mol maǵlumat alyp qana qoımaı, qundy jádigerlerdi óz kózderimen kórýge múmkindik aldy.
Oqýshylar sabaqtan zor áser alǵandyqtaryn jetkizip, uıymdastyrýshylarǵa alǵystaryn bildirdi.
