ءبىلىم الۋشىلاردىڭ بويىنا تاريحي سانانى، قازاقستاندىق ءپاتريوتيزمدى، ءوز ەلىنىڭ تاريحىنا دەگەن قۇرمەتتى، اتا-بابالارىمىزدىڭ جەتىستىكتەرى ءۇشىن ماقتانىش سەزىمىن قالىپتاستىرۋ، ۇلتتىق جانە جالپى ادامزاتتىق قۇندىلىقتاردى دارىتۋ ماقساتىندا قولعا الىنعان جوبانىڭ العاشقى ساباعى ءوتتى.
تۇركىستان قالاسىنداعى بۇكىل تاريحي دەرەكتەردەن سىر شەرتەتىن «ساپار» ورتالىعىندا باستالعان ساباققا س.سەيفۋللين اتىنداعى №4 مەكتەپ-ليسەيىنىڭ 6-سىنىپ وقۋشىلارى قاتىسىپ، ولارعا «OSST-tur» تۋريستىك كومپانياسىنىڭ ديرەكتورى، گيد-ەكسكۋرسوۆود ءتورالى سىزدىقوۆ كونە شاھار تاريحى جايلى سىر شەرتتى.
سونداي-اق ەرەكشە ءدارىس «ازىرەت سۇلتان» كەسەنەسى اۋماعىنداعى تاريحي ءارى تۋريستىك ورىنداردا جالعاستى. ەكسكۋرسيا بارىسىندا وقۋشىلار مول ماعلۇمات الىپ قانا قويماي، قۇندى جادىگەرلەردى ءوز كوزدەرىمەن كورۋگە مۇمكىندىك الدى.
وقۋشىلار ساباقتان زور اسەر العاندىقتارىن جەتكىزىپ، ۇيىمداستىرۋشىلارعا العىستارىن ءبىلدىردى.
