Janbolat Mamai ótirikke belýardan batqan – bloger
Blogerdiń paraqshasynda «Búgingi daýdyń basy Janbolattyń bitpeitin jyry, sýaittyǵy hám saýatsyzdyǵy bolyp tur. Keshegi onlain press-konferentsiiasyn kórip, bul saýatsyzdyqty taratýǵa bel sheshe kirisken be dersiń», - delingen.
Odan ári «J.Mamai degeniń ótirikterin ońdy-soldy boratyp, aýzyn kópirtip miz baqpaidy. Taǵy ne aityp jatyr eken, jańa ótirik oilap taýyp pa desem, sol eskisin ilep balshyqqa belýardan batyp otyr. Adam osynshama jartybas, aqymaq bolar ma! Qazir qarańǵylyq dáýiri emes qoi, halyq aq-qarany birden ajyrata alady», - dep kúiine jazǵan.
Aidos Juqanulyna Mamaidyń qai sózi nemese qai isi unamaǵany kóp uzamai belgili boldy.
Bul týraly bloger «B.Baibekke qarsy eki myń betten turatyn dálelimiz bar dep qaita-qaita súiinshi surai bergenine jol bolsyn. Naqty dálelge eki bet te jetedi negizi. 2 000 bet degen soń ras pa eken dep, ótken joly kózimizben baryp kórdik. Sondaǵysy internetten terip alǵan qaýeset sóz, jalǵan uran, qiqym-siqym. Úi tapsyrmasyn oryndamaǵan oqýshy intenetten kopirovat-vstavit etip referat jazyp beredi ǵoi, týra sondai. Bir emes eki sot otyrysy ótti, sonda eki minýtta naqty-naqty sóilei almai, eki myń bet diplomyn qorǵai almai aýzyna qum quiylǵanymen sharýasy joq», - dep jyr bolǵan 2 000 paraqty óz kózimen kóregenin aitqan.
Ol jazbasynyń sońynda taǵy bir shyndyqtyń shymyldyǵyn ashaiyn dep eldi eleń etkizdi.
«Osy ótiriginiń bárin betine basaiyq degender keshe pikir jazyp, saýal qoiypty, Janbolattan jaýap bolmaǵan. Unatpaǵandaryn blokka qoiyp, joiyp jiberip otyrǵan. Eń bolmasa solardyń esesi ketpesin, taǵy bir shyndyqtyń shymyldyǵyn ashaiyn.
J.Mamaidyki press-konferentsiia da emes, aifonmen túsirilgen videorolik. Al oǵan qoldaý bildirip otyrǵan Adam quqyqtary men zańdylyqty saqtaý jónindegi Qazaqstan halyqaralyq biýrosy uiym túrindegi Mamai. Kópshiligińiz biletin de shyǵarsyz sol uiymnyń jetekshisi Jovtispen kezinde Mamai da, onyń áieli Imanbaeva da birge jumys istegen. Sonda bul uiymnyń ózi Sýaittardy qorǵaý men ótirikterin saqtaý jónindegi biýro bolǵany ǵoi. Sizderge qyzyq bolsa taǵy bir málimet – Jovtistiń ózi jol erejesin buzyp adamnyń quqyǵy ǵana emes, ómirin qiǵany úshin sotty bolǵan eken. M-daaa...», - aitarǵa sózim joq degendei bloger pikiri kóp núktemen aiaqtalǵan.
