Ulystyń uly kúni biyl 10 kún toilanyp jatyr. Elimizde Naýryznama onkúndiginiń altynshy kúni – Jańarý kúni. Osy kúni kóktemgi aǵash egý dástúrin jalǵastyrý usynylǵan bolatyn. Búgin, Túrkistan oblysynda Naýryznamanyń onkúndigi aiasynda «Naýryz – jańarý men jańǵyrýdyń, tatýlyqtyń bastaýy» degen atpen barlyq óńirde aǵash egý dástúri bastaldy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Jańarý aiyn jaqsylyqqa balaǵan túrkistandyqtar «Túrkistan Bilim-innovatsiia» litseiiniń ainalasyn kóshetpen kómkerdi. Naýryz merekesi aiasynda ótken sharaǵa Túrkistan oblysynyń ákimi Darhan Satybaldy, memlekettik mekemelerdiń basshylary, memlekettik qyzmetshiler, atalǵan bilim uiasynyń ustazdary men oqýshylary, kommýnaldyq sala ókilderi qatysty.
Oblys ákimi Darhan Satybaldynyń tapsyrmasyna sáikes, Túrkistan oblysynyń eldi mekenderin kógaldandyrýdyń 2022-2024 jyldarǵa arnalǵan is-shara jospary bekitildi. Biylǵy kóktemde oblys boiynsha 520 myńnan asa kóshet egiledi dep kútilýde. Osy baǵytta jumys júrip jatyr.
Aita keteiik, Naýryznama onkúndigi 23-naýryzǵa deiin jalǵasady.
