Jańaózen qalasy, Teńge aýylynan 500 shaqyrym qashyqtyqtaǵy munai uńǵymasynan aýaǵa shyǵaryndylardyń shyǵýy oryn aldy. Onyń videosy áleýmettik jelide tarady. Oqiǵa ornyna kelgen ekologtar aýadan metannyń tys mólsherin anyqtady, dep habarlaidy Dalanews.kz.
Tótenshe jaǵdai 10 maýsymda saǵat 8:30 shamasynda "Petro NefteGazservis" JShS-niń № 553 skvajinasynda burǵylaý jumystaryn júrgizý barysynda oryn alǵan.
"Tiisinshe, 10 minýt ishinde, iaǵni saǵat 08:40-ta mekememen qajetti jumystar júrgizilip, tótenshe jaǵdai oqshaýlandy. Ziiandy zattyń atalǵan territoriiadan tys aýmaqqa taralý qaýpi tirkelmedi", - deidi Mańǵystaý oblysy boiynsha ekologiia departamenti.
Óńirlik ekologiia departamentiniń zerthanalyq-taldamalyq baqylaý bólimi atalǵan aýmaqta atmosferalyq aýaǵa aspaptyq ólshemder júrgizý sharasyn qabyldady.
"Ólshemder qorytyndysy men qabyldanǵan sharalar týraly qosymsha habarlanady", delingen habarlamada.
Buǵan deiin Mańǵystaý oblysynda 6 maýsymda "Tolqyn" ken ornynda apatty jaǵdai oryn alǵany habarlanǵan. Oqiǵa ornyna barlyq tótenshe qyzmetter boldy.
