جاڭاوزەن قالاسى، تەڭگە اۋىلىنان 500 شاقىرىم قاشىقتىقتاعى مۇناي ۇڭعىماسىنان اۋاعا شىعارىندىلاردىڭ شىعۋى ورىن الدى. ونىڭ ۆيدەوسى الەۋمەتتىك جەلىدە تارادى. وقيعا ورنىنا كەلگەن ەكولوگتار اۋادان مەتاننىڭ تىس مولشەرىن انىقتادى، دەپ حابارلايدى Dalanews.kz.

توتەنشە جاعداي 10 ماۋسىمدا ساعات 8:30 شاماسىندا "Petro نەفتەگازسەرۆيس" ءجشس-نىڭ № 553 سكۆاجيناسىندا بۇرعىلاۋ جۇمىستارىن جۇرگىزۋ بارىسىندا ورىن العان.

"تيىسىنشە، 10 مينۋت ىشىندە، ياعني ساعات 08:40-تا مەكەمەمەن قاجەتتى جۇمىستار جۇرگىزىلىپ، توتەنشە جاعداي وقشاۋلاندى. زياندى زاتتىڭ اتالعان تەرريتوريادان تىس اۋماققا تارالۋ ءقاۋپى تىركەلمەدى"، - دەيدى  ماڭعىستاۋ وبلىسى بويىنشا ەكولوگيا دەپارتامەنتى.

وڭىرلىك ەكولوگيا دەپارتامەنتىنىڭ زەرتحانالىق-تالدامالىق باقىلاۋ ءبولىمى اتالعان اۋماقتا اتموسفەرالىق اۋاعا اسپاپتىق ولشەمدەر جۇرگىزۋ شاراسىن قابىلدادى. 

"ولشەمدەر قورىتىندىسى مەن قابىلدانعان شارالار تۋرالى قوسىمشا حابارلانادى"، دەلىنگەن حابارلامادا.

بۇعان دەيىن ماڭعىستاۋ وبلىسىندا 6 ماۋسىمدا "تولقىن" كەن ورنىندا اپاتتى جاعداي ورىن العانى حابارلانعان. وقيعا ورنىنا بارلىق توتەنشە قىزمەتتەر بولدى.