Elimizde «Jibek joly» týristik temirjol baǵyty iske qosyldy. Poiyz «Almaty-Túrkistan-Tashkent-Almaty» baǵyty boiynsha júredi. 16-20 qarasha kúnderi ótetin alǵashqy saparǵa 115 jolaýshy attandy. Endi týristik poiyz ai saiyn qatynaityn bolady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Jolaýshylarǵa jatyn oryn, úsh mezgil tamaq, qala ishindegi saiahat usynylady. Týristerge yńǵaily bolý úshin barlyq ekskýrsiialar kásibi gidterdiń qatysýymen júrgiziledi. Saiahat – týristik avtobýstarmen qamtamasyz etiledi. Týrister Túrkistandy bir kún, Tashkentti eki kún aralaidy.
Saiahat barysynda týrister Túrkistan qalasyndaǵy Q.A.Iasaýi kesenesine, Kerýen Sarai kesheni men Otyrar aýdanyndaǵy Arystan Bab kesenesine ziiarat jasaidy. Sondai-aq, Tashkent qalasyndaǵy Haziret Imam keshenin, Tóle Bi kesenesin, Ámir Temir jáne Táýelsizdik alańdaryn aralaidy. Odan bólek, Tashkent qalasyndaǵy kórikti jerlerge barady.
Sapar barysynda poiyzda túrli oiyn-saýyq sharalary uiymdastyrylady. Jolaýshylardyń yńǵailylyǵy úshin poiyzda film kórýge, án tyńdaýǵa jáne kitap oqýǵa arnalǵan vputi.kz mýltimediialyq júiesi qoljetimdi bolady.
Sondai-aq, jolaýshylarǵa týrdyń baǵdarlamasy men qalalardyń kartalary beinelengen býkletter usynylady. Árbir jolaýshyǵa estelik retinde «Túrkistan jańǵyrý» atty týristik kitap syiǵa beriledi.
