Qazaqstanda jańa Salyq kodeksi aiasynda jeńildetilgen deklaratsiia negizindegi arnaiy salyq rejimi jańartylyp engizildi, dep habarlaidy Dalanews.kz.
Astana qalasynyń Memlekettik kirister departamentiniń túsindirýinshe, bul rejim boiynsha salyqtyq kezeń jartyjyldyq bolyp belgilengen. Arnaiy salyq rejimin qoldaný úshin tabys kólemi 600 000 AEK-ten nemese 2 595 000 000 teńgeden aspaýy tiis. Sonymen qatar, kásipkerlik qyzmet túri ruqsat etilgen tizimge sai bolýy jáne salyq tóleýshi áleýmettik salyq pen qosylǵan qun salyǵyn tóleýshi bolmaýy qajet.
Astana qalasy úshin bul rejim boiynsha salyq mólsherlemesi 3% bolyp belgilengen.
Sonymen birge birqatar shekteýler de qarastyrylǵan. Atap aitqanda, basqa zańdy tulǵalardyń qatysý úlesi 25%-dan asatyn uiymdar, birneshe zańdy tulǵada bir mezgilde quryltaishy nemese qatysýshy bolyp tabylatyndar, arnaiy salyq rejimin qoldanatyn zańdy tulǵalardyń quryltaishylary, kommertsiialyq emes uiymdar, arnaiy ekonomikalyq jáne indýstriialyq aimaqtardyń, sondai-aq «Astana Habtyń» qatysýshylary bul rejimdi paidalana almaidy.
Sondai-aq birlesken qyzmet týraly sharttar aiasynda jumys isteitin salyq tóleýshilerge de atalǵan rejimdi qoldanýǵa tyiym salynǵan.
Jańa tártip shaǵyn jáne orta bizneske ákimshilik júktemeni azaitýdy kózdegenimen, memleket bir mezgilde salyqtyq tártip pen ashyqtyqty kúsheitýdi maqsat etip otyr.
