2026 jylǵy 1 qańtardan bastap jańa Salyq kodeksine sáıkes jeńil kólikterge salynatyn salyq tártibi jańardy. Endi kólik salyǵy kóliktiń paıdalanylǵan merzimine qaraı esepteledi, dep habarlaıdy Dalanews.kz.

10-20 jyl paıdalanylǵan kólikter úshin tómendetý koefısıenti 0,7 bolsa, 20 jyldan asqan kólikterge 0,5 koefısıenti qoldanylady.

Bul kólik ıelerine tıisinshe 30 jáne 50 paıyz kóleminde salyq jeńildigin beredi.

Qozǵaltqysh kólemi 3-4 lıtr aralyǵyndaǵy kólikterge salyq mólsheri 15 AEK bolyp belgilendi. Qozǵaltqysh kólemi 4 lıtrden asatyn kólikterge 117 AEK kóleminde salyq salynady. Bul mólsherlemeler de kóliktiń shyqqan jylyna qaraı túzetiledi.

Sonymen qatar, quny 18 000 AEK-ten (77,8 mln teńgeden) joǵary jeńil kólikterge 10 paıyz kóleminde aksız engiziledi. Mundaı shart kólikti alǵash tirkeý kezinde de, el ishinde qaıta satý barysynda da qoldanylady.