Jańa rektor – isker basshy, sheber uiymdastyrýshy
Buǵan deiin onyń rektory qyzmetin Serik Sviatov atqarǵan, ol ýniversitet direktorlar keńesiniń jáne «Fortebank» AQ birlesken bankiniń tóraǵasy bolyp sailanýyna orai bul jumysynan ketti.
Rybinski Polsha Ulttyq bankiniń vitse-prezidenti, EO Komissiiasynyń ekonomikalyq jáne qarjy máseleleri boiynsha múshesi, sondai-aq Polshadaǵy Dúniejúzilik banki direktorynyń orynbasary bolǵan. 2008 jyly Kshishtof Rybinski Ernst & Iang.. kompaniiasynyń seriktesi boldy. Ekonomika salasyndaǵy doktor dárejesine ie. Poliak, aǵylshyn, orys jáne japon tilderin meńgergen.
Aldaǵy ýaqytta jańa rektordyń basshylyǵymen T.Rysqulov atyndaǵy Jańa ekonomikalyq ýniversitetiniń sapala bilim berý deńgeiin kóterip, elimizdegi oqý oryndar arasynda básekege qabilettiligin arttyrý isimen jan-jaqty ainalysatyn bolady. Sondai-aq, ol bilim ordasynyń dúniejúzindegi jetekshi oqý oryndardyń qatarynan kórinýi úshin kúsh salyp, óziniń ómir boiy jinaǵan is-tájiribesin paidalanbaqshy. Bilikti mamannyń iskerlik qabiletiniń joǵary ekenine myna bir jaittan-aq ańǵarýǵa bolady. 2010 jyly Kshishtof Rybinski myrza bankrot bolýdyń az-aq aldynda turǵan Polshadaǵy Vistýla ýniversitetin basqaryp, qysqa merzimde atalmysh oqý orynyn tyǵyryqtan shyǵarǵan-dy. Ol bilim berý sapasyn arttyrý salasynda bilim ordasynyń professorlyq-oqytýshylyq quramyn jańadan jasaqtap, dúniejúzinde ozyq is-tájiribelerdi batyl túrde engizip, óziniń bilim berý salasyndaǵy bilikti basshy, isker uiymdastyrýshy ekenin poliaktarǵa pash etken edi. Kshishtof Rybinski aldaǵy ýaqytta osy is-tájiribesin T.Rysqulov atyndaǵy Jańa ekonomikalyq ýniversitetńnńǵ gúldenýine jumsaityn bolady.
Nurlan Jumahanov
