Jiynǵa ÚEU ókilderi, saiasattanýshylar, qoǵam qairatkerleri men QQDI sarapshylary qatysty. Spikerler Memleket Basshysynyń Joldaýyn, onyń ishinde qoǵamdyq keńester jumysynyń tiimdiligin arttyrý jáne qaita formattaýdyń mańyzdylyǵy týraly málimdemesin talqylady.
Is-shara barysynda «Qazaqstan Respýblikasyndaǵy qoǵamdyq keńester – 2022» Ulttyq baiandamasy jobasynyń nátijeleri tanystyryldy.
Is-shara «Qazaqstandyq qoǵamdyq damý institýty» KeAQ analitik-menedjeri Eldos Jumaǵulovtyń moderatorlyǵymen ótti.
«Bul kezdesý Memleket basshysynyń 2022 jylǵy 1 qyrkúiektegi Joldaýyn, onyń ishinde qoǵamdyq keńester qyzmetin qaita ózgertýdiń mańyzdylyǵy týraly málimdemesin talqylaý úshin uiymdastyryldy.
Qazirgi ýaqytta qoǵamdyq keńesterdiń jumysy týraly qoǵamda suraqtar kóp, sebebi olar Prezidenttiń «estýshi memleket» tujyrymdamasyn iske asyrýdyń mańyzdy quralyna ainalýda. Sondyqtan da, qoǵamdyq baqylaýdy kúsheitý úshin, qoǵamdyq keńesterdiń mártebesin kótergen durys»,- dedi spiker.
Otyrysty QR Aqparat jáne qoǵamdyq damý ministrliginiń Azamattyq qoǵam isteri komiteti tóraǵasynyń orynbasary Gúlbara Sultanova ashty.
Ol óz sózinde Memleket basshysynyń qoǵamdyq keńesterdiń qyzmetine erekshe nazar aýdaratynyn atap ótti.
«Biyl biz qoǵamdyq keńesterdi qalyptastyrý protsesine azamattardyń belsendi qatysýynyń oń úrdisin baiqadyq. Ulttyq quryltai quryldy. Bul Prezidenttiń qoǵamdyq keńesterdiń róline erekshe mán beretinin bildiredi. Sonymen qatar, Joldaýda qoǵamdyq keńesterdiń qyzmetin qaita formattaý mindeti qoiyldy».
IIM qoǵamdyq keńesiniń múshesi, Qazaqstannyń áielder kúshteri aliansynyń ókili Baian Toikebaeva qazirgi ýaqytta qoǵamnyń mańyzdy memlekettik sheshimderdi qabyldaýǵa belsendi qatysýy baiqalatynyn atap ótti.
Energetika ministrligi Qoǵamdyq keńesiniń tóraǵasy Bolat Áýetaev Qoǵamdyq keńes quramynan memlekettik qyzmetshilerdi alyp tastap, tek qoǵamdyq qyzmetpen ainalysqysy keletin sarapshylarǵa basymdyq berý kerektigin aitty.
QR Memlekettik qyzmet isteri agenttigi Qoǵamdyq keńesiniń múshesi Shyńǵys Lepsibaev qoǵamdyq keńesterdiń jumysyn jetildirý boiynsha óz pikirin bildirdi. «Qoǵamdyq tyńdaýlar, jekelegen problemalar boiynsha basqa da kópshilik is-sharalar ótkizý, áleýmettik jelilerde jumysty belsendirek júrgizý qajet», – dep málimdedi ol.
Sybailas jemqorlyqqa qarsy is-qimyl agenttiginiń Qoǵamdyq keńesiniń tóraǵasy Marat Báshimov te óz usynystaryn bildirdi. «Qoǵamdyq keńes – bul asa mańyzdy institýt. Qoǵamdyq keńestiń jumysyn búkil el kórýi úshin, onyń árbir múshesinde óz jumysyn tanystyrýǵa múmkindigi bolýy tiis, mysaly Ortalyq kommýnikatsiialar qyzmeti alańynda», – dedi spiker.
Is-sharaǵa qatysýshylar qoǵamdyq keńesterdiń jumysyn jetildirý boiynsha basqa da usynystaryn aitty. Kezdesýdi qorytyndylai kele, moderator Eldos Jumaǵulov is-sharanyń mańyzdylyǵyn atap ótip, qatysýshylarǵa belsendi jumysy, ulttyq baiandamany daiyndaý kezinde eskeriletin usynystary úshin alǵysyn bildirdi.
https://dalanews.kz/del-qazir/81431-putin-ne-isterin-bilmey-alasuruda-r
