Jańa Konstıtýsıa jobasynda sóz erkindigi máselesi pysyqtaldy, dep habarlaıdy Dalanews.kz.

Jańa Konstıtýsıa jobasynda memlekettik til týraly 23-bapta jazylǵan:

1. Sóz erkindigine, ǵylymı, tehnıkalyq, kórkem shyǵarmashylyq erkindigine kepildik beriledi.

2. Zıatkerlik menshik zańmen qorǵalady.

3. Memlekettik qupıalardy qospaǵanda, erkin aqparat alý jáne taratý quqyǵy zańmen tyıym salynbaǵan kez kelgen tásilmen iske asyrylady. Qazaqstan Respýblıkasynyń memlekettik qupıalaryn quraıtyn málimetter tizbesi zańda aıqyndalady.

4. Sóz erkindigi jáne aqparat taratý basqa adamdardyń ar-namysy men qadir-qasıetine, azamattardyń densaýlyǵy men qoǵamnyń adamgershilik bolmysyna nuqsan keltirmeýge, qoǵamdyq tártipti buzbaýǵa tıis.

5. Senzýraǵa tyıym salynady.

6. Qazaqstan Respýblıkasynyń konstıtýsıalyq qurylys negizderin kúshtep ózgertýdi, aýmaqtyq tutastyǵyna, Egemendigi men Táýelsizdigine qol suǵýdy, qoǵamdyq tártipti buzýdy, ulttyq qaýipsizdikke nuqsan keltirýdi, soǵysty, qarýly qaqtyǵysty, áleýmettik, násildik, ulttyq, etnostyq, dinı basymdyqty nemese alaýyzdyqty, qatygezdik pen zorlyq-zombylyqty nasıhattaýǵa, sondaı-aq arandatý áreketine jáne oǵan shaqyrýǵa jol berilmeıdi.