جاڭا كونستيتۋسيا جوباسىندا ءسوز ەركىندىگى ماسەلەسى پىسىقتالدى، دەپ حابارلايدى Dalanews.kz.
جاڭا كونستيتۋسيا جوباسىندا مەملەكەتتىك ءتىل تۋرالى 23-باپتا جازىلعان:
1. ءسوز ەركىندىگىنە، عىلىمي، تەحنيكالىق، كوركەم شىعارماشىلىق ەركىندىگىنە كەپiلدiك بەرiلەدi.
2. زياتكەرلىك مەنشىك زاڭمەن قورعالادى.
3. مەملەكەتتىك قۇپيالاردى قوسپاعاندا، ەركىن اقپارات الۋ جانە تاراتۋ قۇقىعى زاڭمەن تىيىم سالىنباعان كەز كەلگەن تاسىلمەن ىسكە اسىرىلادى. قازاقستان رەسپۋبليكاسىنىڭ مەملەكەتتىك قۇپيالارىن قۇرايتىن مالىمەتتەر تىزبەسى زاڭدا ايقىندالادى.
4. ءسوز ەركىندىگى جانە اقپارات تاراتۋ باسقا ادامداردىڭ ار-نامىسى مەن قادىر-قاسيەتىنە، ازاماتتاردىڭ دەنساۋلىعى مەن قوعامنىڭ ادامگەرشىلىك بولمىسىنا نۇقسان كەلتىرمەۋگە، قوعامدىق ءتارتىپتى بۇزباۋعا ءتيىس.
5. سەنزۋراعا تىيىم سالىنادى.
6. قازاقستان رەسپۋبليكاسىنىڭ كونستيتۋسيالىق قۇرىلىس نەگىزدەرىن كۇشتەپ وزگەرتۋدى، اۋماقتىق تۇتاستىعىنا، ەگەمەندىگى مەن تاۋەلسىزدىگىنە قول سۇعۋدى، قوعامدىق ءتارتىپتى بۇزۋدى، ۇلتتىق قاۋىپسىزدىككە نۇقسان كەلتىرۋدى، سوعىستى، قارۋلى قاقتىعىستى، الەۋمەتتىك، ناسىلدىك، ۇلتتىق، ەتنوستىق، ءدىني باسىمدىقتى نەمەسە الاۋىزدىقتى، قاتىگەزدىك پەن زورلىق-زومبىلىقتى ناسيحاتتاۋعا، سونداي-اق ارانداتۋ ارەكەتىنە جانە وعان شاقىرۋعا جول بەرىلمەيدى.
