Memleket basshysy Qasym-Jomart Toqaev Túrkistan oblysynyń jurtshylyǵymen kezdesýde Jańa Konstitýtsiia jaily sóz qozǵady, dep habarlaidy Dalanews.kz
«Ózderińizge málim, men osy aptanyń basynda Qazaqstan Respýblikasynyń Konstitýtsiiasyna jáne Bas qujattyń erejelerin iske asyrý jónindegi sharalar týraly Jarlyqqa qol qoidym. Endi 1 shildeden bastap Konstitýtsiia óz kúshine enedi. Al Konstitýtsiia kúnin biz bárimiz birtutas halyq bolyp referendým ótkizilgen kúni, iaǵni, 15 naýryzda jyl saiyn memlekettik mereke retinde atap ótemiz, toilaimyz. Jalpyhalyqtyq referendýmda jastarymyzdyń belsendiligi, jańashyldyǵy jáne jaýapkershiligi aiqyn kórindi. Olar Otanyna adal, oiy ozyq, jasampaz azamattar retinde ózderiniń jarqyn keleshegine qatysty tańdaýyn jasady. Jańa Konstitýtsiia, eń aldymen, óskeleń urpaqtyń igiligi úshin qabyldandy, bul jastarǵa arnalǵan qujat desek, qate bolmaidy. Tórge ozǵan Halyq Konstitýtsiiasy jastarǵa jón silteidi, ómir jolyn kórsetedi. Jańa Ata zań jas urpaqpen birge jasai beredi», - dedi Memleket basshysy.
