Jańa jylǵa arnalǵan tilekter
Jańa Jyl – qashanda ár adamnyń júregine jańa úmitter men appaq armandar uialatatyn, ǵajaiyp qiialdarǵa qol sozdyratyn eń súiikti merekemiz. Barsha adamzat bul kúni ótkendi oi eleginen ótkizip, saralap, Jańa Jylǵa taza nietpen, bolashaqqa degen mol senimmen, nyq qadammen attaǵandy qalaidy.
Keler Jylda otbasyńyzǵa qut-bereke, qyzmetińizge órleý tileimin. Densaýlyǵyńyz kúili-qýatty, baqytyńyz baiandy, kóńil-kúiińiz tamasha bolsyn. Aldaǵy Jyl Sizdi tek oń ózgeristerimen, umytylmas sátterimen, qyzyqty kezdesýlerimen qýantsyn. Ortaq shańyraǵymyzdyń jarqyn keleshegi úshin eńbektenip júrgen barsha qazaqstandyqtarymyzǵa beibit ómir, tynyshtyq, mol jaqsylyq tileimin.
