"Jańa jyldyq korporativke tyiym salynady". Bekshin buiryq shyǵardy
Jandarbek Bekshin dámhanalar men meiramhana ielerin kóp adamdyq banketterge tapsyrys almaýǵa shaqyrdy.
– Meniń jaýabym eń aldymen kásipkerlerge baǵyttalady. Boldy, eshqandai ujymdyq toi-jiyn ótpeidi. Koronavirýstyń taralýy jalǵasýda, ondai jaǵdaida korporativtik keshter kerek emes. Jaǵdai nasharlasa, lokdaýnǵa qaita oralýymyz da múmkin, – dedi Almaty qalasynyń bas memlekettik sanitarlyq dárigeri Jandarbek Bekshin.
Qazir Almaty "jasyl" aimaqta tur. Kelesi aptanyń basynda karantin jeńildetiledi. Sol kezde qoǵamdyq tamaqtaný oryndaryna túngi 3-ke deiin, al Ashyq jobasynyń liderlerine tańǵy 5-ke deiin jumys isteýge ruqsat etiledi. Oryndardy 70 %-ǵa deiin toltyrýǵa ruqsat berilýi múmkin.
Sonymen qatar, Almatydaǵy keibir ujymdar men mekeme qyzmetkerleri qazirden-aq jańa jyldyq korporativtiń qamyna kirisip, keminde 15 myńnan aqsha jinap jatqandary da bar.
