"جاڭا جىلدىق كورپوراتيۆكە تىيىم سالىنادى". بەكشين بۇيرىق شىعاردى
جانداربەك بەكشين دەمحانالار مەن مەيرامحانا يەلەرٸن كٶپ ادامدىق بانكەتتەرگە تاپسىرىس الماۋعا شاقىردى.
– مەنٸڭ جاۋابىم ەڭ الدىمەن كەسٸپكەرلەرگە باعىتتالادى. بولدى, ەشقانداي ۇجىمدىق توي-جيىن ٶتپەيدٸ. كوروناۆيرۋستىڭ تارالۋى جالعاسۋدا, ونداي جاعدايدا كورپوراتيۆتٸك كەشتەر كەرەك ەمەس. جاعداي ناشارلاسا, لوكداۋنعا قايتا ورالۋىمىز دا مٷمكٸن, – دەدٸ الماتى قالاسىنىڭ باس مەملەكەتتٸك سانيتارلىق دەرٸگەرٸ جانداربەك بەكشين.
قازٸر الماتى "جاسىل" ايماقتا تۇر. كەلەسٸ اپتانىڭ باسىندا كارانتين جەڭٸلدەتٸلەدٸ. سول كەزدە قوعامدىق تاماقتانۋ ورىندارىنا تٷنگٸ 3-كە دەيٸن, ال Ashyq جوباسىنىڭ ليدەرلەرٸنە تاڭعى 5-كە دەيٸن جۇمىس ٸستەۋگە رۇقسات ەتٸلەدٸ. ورىنداردى 70 %-عا دەيٸن تولتىرۋعا رۇقسات بەرٸلۋٸ مٷمكٸن.
سونىمەن قاتار, الماتىداعى كەيبٸر ۇجىمدار مەن مەكەمە قىزمەتكەرلەرٸ قازٸردەن-اق جاڭا جىلدىق كورپوراتيۆتٸڭ قامىنا كٸرٸسٸپ, كەمٸندە 15 مىڭنان اقشا جيناپ جاتقاندارى دا بار.
