Jergilikti taýar óndirýshilerdiń ónimderi saýdalanyp jatqan jármeńkege oblys ákimi Janseiit Túimebav arnaiy qatysyp, turǵandar men sharýalardy jańa jylmen quttyqtap, olarmen pikir almasty. Sórelerge qoiylǵan aýyl sharýashylyǵy ónimderimen tanysqan óńir basshysy baǵany turaqtandyryp, halyqqa qolaily jaǵdai jasaýda áleýmettik bazarlardyń áseri mol ekenin aitty.
«2017 jyl óńirdegi aýyl sharýashylyǵy úshin tabysty jyl boldy. Biyl oblys boiynsha 1,3 mln tonna baqsha daqyldary, 963 myń tonna kókónis, 293 myń tonna kartop, 116 myń tonna jemis pen 77 myń tonna júzim jinaldy. Qambaǵa 397 myń tonnaǵa jýyq astyq quiyldy. Mal sharýashlyǵynda da ósim baiqalyp, et jáne sút óndirý kórsetkishteri artty. Nátijesinde aǵymdaǵy jyly aýyl sharýashylyǵy jalpy ónim kólemi 497,8 mlrd.tg. qurap ótken jyldyń tiisti kezeńimen salystyrǵanda 39,7 mlrd.tg. artty» - dedi ákim.
Jármeńkede aýdan qalalardan jinalǵan sharýalar 230 tonnadan astam tabiǵi taza ónimderdi qala turǵyndaryna naryqtaǵydan tómen baǵada usyndy. Munda 50-den astam azyq-túlik taýarlary qoiyldy. Onyń ishinde et, sút ónimderi, balyq, shujyq, kókónister men jemis-jidekter bar.
Aýyl sharýashylyǵyn memlekettik qoldaý kólemi jyldan-jylǵa artyp keledi. Jalpy biyl 40 myńǵa jýyq aýyl sharýashylyǵy taýar óndirýshileri memlekettik qoldaýǵa ie boldy.
Merekelik jármeńkede kókónister men jemis-jidekterden shyrsha ornatyldy. Jármeńke sońy kontserttik baǵdarlamaǵa ulasty. Onda ónerpazdar turǵyndarǵa merekelik kóńil kúi syilady.
OQO ákiminiń baspasóz qyzmeti
