جەرگىلىكتى تاۋار وندىرۋشىلەردىڭ ونىمدەرى ساۋدالانىپ جاتقان جارمەڭكەگە وبلىس اكىمى جانسەيىت تۇيمەباۆ ارنايى قاتىسىپ، تۇرعاندار مەن شارۋالاردى جاڭا جىلمەن قۇتتىقتاپ، ولارمەن پىكىر الماستى. سورەلەرگە قويىلعان اۋىل شارۋاشىلىعى ونىمدەرىمەن تانىسقان ءوڭىر باسشىسى باعانى تۇراقتاندىرىپ، حالىققا قولايلى جاعداي جاساۋدا الەۋمەتتىك بازارلاردىڭ اسەرى مول ەكەنىن ايتتى.
«2017 جىل وڭىردەگى اۋىل شارۋاشىلىعى ءۇشىن تابىستى جىل بولدى. بيىل وبلىس بويىنشا 1،3 ملن توننا باقشا داقىلدارى، 963 مىڭ توننا كوكونىس، 293 مىڭ توننا كارتوپ، 116 مىڭ توننا جەمىس پەن 77 مىڭ توننا ءجۇزىم جينالدى. قامباعا 397 مىڭ تونناعا جۋىق استىق قۇيىلدى. مال شارۋاشلىعىندا دا ءوسىم بايقالىپ، ەت جانە ءسۇت ءوندىرۋ كورسەتكىشتەرى ارتتى. ناتيجەسىندە اعىمداعى جىلى اۋىل شارۋاشىلىعى جالپى ءونىم كولەمى 497،8 ملرد.تگ. قۇراپ وتكەن جىلدىڭ ءتيىستى كەزەڭىمەن سالىستىرعاندا 39،7 ملرد.تگ. ارتتى» - دەدى اكىم.
جارمەڭكەدە اۋدان قالالاردان جينالعان شارۋالار 230 توننادان استام تابيعي تازا ونىمدەردى قالا تۇرعىندارىنا نارىقتاعىدان تومەن باعادا ۇسىندى. مۇندا 50-دەن استام ازىق-تۇلىك تاۋارلارى قويىلدى. ونىڭ ىشىندە ەت، ءسۇت ونىمدەرى، بالىق، شۇجىق، كوكونىستەر مەن جەمىس-جيدەكتەر بار.
اۋىل شارۋاشىلىعىن مەملەكەتتىك قولداۋ كولەمى جىلدان-جىلعا ارتىپ كەلەدى. جالپى بيىل 40 مىڭعا جۋىق اۋىل شارۋاشىلىعى تاۋار وندىرۋشىلەرى مەملەكەتتىك قولداۋعا يە بولدى.
مەرەكەلىك جارمەڭكەدە كوكونىستەر مەن جەمىس-جيدەكتەردەن شىرشا ورناتىلدى. جارمەڭكە سوڭى كونسەرتتىك باعدارلاماعا ۇلاستى. وندا ونەرپازدار تۇرعىندارعا مەرەكەلىك كوڭىل كۇي سىيلادى.
وقو اكىمىنىڭ باسپا ءسوز قىزمەتى
