Áleýmettik jelide Qonaevta jańa jyldyq bezendirýge 148 mln 528 myń teńge bólingeni jáne atqarylǵan jumystardyń tehnikalyq qujattamaǵa sáikes emestigi týraly aqparat tarady. Osyǵan bailanysty Qonaev qalasynyń ákimdigi túsinikteme berdi, dep habarlaidy Dalanews.kz.
"Osyǵan bailanysty Qonaev qalasynyń ákimdigi merdiger kompaniia táýelsiz aýditterge júgingenin habarlaidy", - dep habarlady ákimdik.
Ákimdiktiń málimetinshe, aýdit nátijesine sáikes, kemshilikter anyqtalsa, ákimdik tarapynan merdigerge qatysty tiisti sharalar qabyldanady.
"Qalalyq TÚKSh jáne TÚI bóliminiń memlekettik tapsyrysyn oryndaýǵa portal arqyly "Jasyl qala Qonaev" ShJQ MKK tańdalǵan. Atalǵan mekeme ortalyq alańǵa shyrsha, D.Qonaev eskertkishi mańyna 2025 merekelik jazýyn, túrli oiynshyqtar ornalastyryp, №5 jaǵajai aýmaǵyn bezendirip, park, kópir, qalaǵa kireberistegi stela men alleialardy jaryqtandyrǵan, merekelik oiynshyqtar qoiǵan. Memlekettik tapsyrysty berý kezinde tek Jańa jylda ǵana emes, jyl sońyna deiin nysandardyń jaryqtandyrylyp, kórikti bolýy esepke alynǵan", - delingen málimette.
Memlekettik tapsyrys tek Jańa jyldyq merekeler úshin emes, jyl sońyna deiin qalanyń kórikti bolýy úshin esepke alynǵany atap ótildi.
Ákimdiktiń aitýynsha, №5 jaǵajai týristik tartymdylyqty arttyrý maqsatynda bezendirilgen. Qoiylǵan shaǵyn sáýlettik nysandar “Jasyl qala Qonaev” mekemesiniń balansynda qalyp, kelesi jyly da paidalanylady. Jyl sońynda bezendirýge arnalǵan memlekettik tapsyrys tek qosymsha árleý jumystaryn qamtidy.
