الەۋمەتتىك جەلىدە قونايەۆتا جاڭا جىلدىق بەزەندىرۋگە 148 ملن 528 مىڭ تەڭگە بولىنگەنى جانە اتقارىلعان جۇمىستاردىڭ تەحنيكالىق قۇجاتتاماعا سايكەس ەمەستىگى تۋرالى اقپارات تارادى. وسىعان بايلانىستى قونايەۆ قالاسىنىڭ اكىمدىگى تۇسىنىكتەمە بەردى، دەپ حابارلايدى Dalanews.kz.

"وسىعان بايلانىستى قونايەۆ قالاسىنىڭ اكىمدىگى مەردىگەر كومپانيا تاۋەلسىز اۋديتتەرگە جۇگىنگەنىن حابارلايدى"، - دەپ حابارلادى اكىمدىك.

اكىمدىكتىڭ مالىمەتىنشە، اۋديت ناتيجەسىنە سايكەس، كەمشىلىكتەر انىقتالسا، اكىمدىك تاراپىنان مەردىگەرگە قاتىستى ءتيىستى شارالار قابىلدانادى.

"قالالىق تۇكش جانە ءتۇي ءبولىمىنىڭ مەملەكەتتىك تاپسىرىسىن ورىنداۋعا پورتال ارقىلى "جاسىل قالا قونايەۆ" شجق مكك تاڭدالعان. اتالعان مەكەمە ورتالىق الاڭعا شىرشا، د.قونايەۆ ەسكەرتكىشى ماڭىنا 2025 مەرەكەلىك جازۋىن، ءتۇرلى ويىنشىقتار ورنالاستىرىپ، №5 جاعاجاي اۋماعىن بەزەندىرىپ، پارك، كوپىر، قالاعا كىرەبەرىستەگى ستەلا مەن اللەيالاردى جارىقتاندىرعان، مەرەكەلىك ويىنشىقتار قويعان. مەملەكەتتىك تاپسىرىستى بەرۋ كەزىندە تەك جاڭا جىلدا عانا ەمەس، جىل سوڭىنا دەيىن نىسانداردىڭ جارىقتاندىرىلىپ، كورىكتى بولۋى ەسەپكە الىنعان"، - دەلىنگەن مالىمەتتە.

مەملەكەتتىك تاپسىرىس تەك جاڭا جىلدىق مەرەكەلەر ءۇشىن ەمەس، جىل سوڭىنا دەيىن قالانىڭ كورىكتى بولۋى ءۇشىن ەسەپكە الىنعانى اتاپ ءوتىلدى.

اكىمدىكتىڭ ايتۋىنشا، №5 جاعاجاي تۋريستىك تارتىمدىلىقتى ارتتىرۋ ماقساتىندا بەزەندىرىلگەن. قويىلعان شاعىن ساۋلەتتىك نىساندار “جاسىل قالا قونايەۆ” مەكەمەسىنىڭ بالانسىندا قالىپ، كەلەسى جىلى دا پايدالانىلادى. جىل سوڭىندا بەزەندىرۋگە ارنالعان مەملەكەتتىك تاپسىرىس تەك قوسىمشا ارلەۋ جۇمىستارىن قامتيدى.