Qarjy ministri Mádi Takiev Májilis kýlýarynda sheneýnikterdiń biýdjette artylǵan qarjyny syiaqy retinde ózderine ala almaitynyn aitty, - dep habarlaidy Dalanews.kz Qaz365.kz.-ke siltep.
"Osy sátti paidalana otyryp myna nárseni aitqym keledi. Qarjy ministrligi esepshot arasynda syiaqy retinde qarjy aýdarýǵa tyiym saldy. Sáikesinshe, sheneýnikter únemdelgen qarjyny syiaqy retinde ala almaidy. Qarajat biýdjetke qaitarylady", – dedi Qarjy ministri.
Memlekettik qyzmetshilerge syilyqaqy tóleýge arnaiy qarajat josparlanbaidy. Organnyń qajettilikterinen únemdelgen qarjy syiaqy retinde bólinip kelgen. Iaǵni bul másele basshylardyń quzyretinde bolǵan.
Quzyrly organnyń aitýynsha, syiaqy beriletin kezde qyzmetshiniń jumys nátijesi, mindetterin tyńǵylyqty oryndaýy, erekshe, qiyn tapsyrmalardy buljytpai oryndaý jáne ózge de jetistigi eskeriledi eken.
BAQ ókilderi Mádi Takievten sheneýnikterdiń syiaqy mólsheri týraly da suraǵan. Alaida ministr bul saýalǵa jaýap bermedi.
