Astananyń alty aýdanynda bir mezgilde jańa jyldyq shyrshalardyń shamy jaǵylady. Barlyq orynda muz aidyndary, slaidtar, shaǵyn arhitektýralyq nysandar, fotoaimaqtar jáne basqa da kóptegen oiyn-saýyq bolady dep kútiledi,
Almaty jáne Saraishyq aýdany
Bul kúni elordanyń alty aýdanynda 30-dan astam merekelik shyrshanyń shamdary jaǵylyp, elordanyń árbir turǵyny men qonaqtary merekelik atmosferany tamashalai alady.
Almaty jáne Saraishyq aýdandarynda jeti jaily jerde shyrshalar shamy jaǵylady. Qazaq eli monýmentiniń alańynda 25 metrlik úlken shyrsha ornatylyp, alańnyń aýmaǵy ertegi siqyrly el bolyp sanalady, turǵyndar men qonaqtar jaryq áshekeileriniń fonynda sýretke túse alady.
Al Táýelsizdik dańǵylyndaǵy Oqýshylar saraiynyń teortoriiasyndaǵy 20 metrlik shyrsha aýdannyń jas turǵyndary úshin kóptegen oiyn-saýyq pen merekelik is-shara usynatyn ortalyqqa ainalady. Munda muz aidyny, slaid, ertegi kamini, Shelkýnchik jáne Gnomik foto aimaǵy bar.
17 metrlik shyrsha osy kúni «Sana Sport» sport kesheniniń aýmaǵynda slaidpen jáne kóńildi aiýlarmen janady. Sondai-aq, Qoshqarbaev dańǵyly 80/1, Rysqulbekov kóshesindegi «Alma» saiabaǵynda, Astana Music Hall (qumyra) janynda 17 metrlik jańa jyldyq shyrshalar ornatylady.
«Nurly jol» temirjol vokzalynyń janynda 17 metrlik shyrsha men shaǵyn sáýlet nysandary (buǵy, qasqyr, qoian jáne aiý) ornatylady.
Baiqońyr aýdanynda bes keremet shyrsha kózaiymyna ainalady
Jastar saraiynyń aýmaǵy merekelik is-sharalar men otbasylyq serýen úshin tamasha oryn bolady. Alańda 18 metrlik shyrsha shamy jaǵylady, muz aidyny men syrǵanaq jumys isteidi, turǵyndar men qonaqtar jaryq beineleriniń janynda merekelik fotosýretke túse alady.
J. Táshenov kóshesindegi K. Atatúrik atyndaǵy saiabaq kóptegen sham men sándik elementteri bar qysqy ertegige ainalady, aýmaqta 20 metrlik shyrsha shamy jarqyraidy, muz aidyny, syrǵanaq jumys isteidi jáne jańa jyldyq keiipkerler túrindegi ertegi shaǵyn sáýlet formalary ornatylady.
«Óndiris» (Aqbidai men Kemeńgeruly kósheleriniń qiylysy) jáne «Kirpichnyi» (Chehoev jáne Jolymbet kósheleriniń qiylysy) turǵyn alaptarynda, «Qoiandy» saiajai alabynda kez kelgen adam 8 metrlik shyrshalardyń sulýlyǵyn jáne jaily atmosferany tamashalai alady, muz aidynynda syrǵanaq tebetin múmkindik qarastyrylǵan. Sonymen qatar aýdan boiynsha Kenshiler, 5 jáne Dosmuhameduly, 6 mekenjailarynda eki bes metrlik shyrsha ornalasady.
Nura aýdanynynyń merekelik shyrshasy qaida ornalasady?
Nura aýdanynda da aýqymdy jańa jyldyq bezendirý júrgizildi, 9 jerde jańa jyldyq shyrshalar shamy jaǵylady. 25 metrlik basty shyrsha «Astana Arena» stadionynyń turaǵyna ornatylady, onda merekelik baǵdarlama jáne jańa jyldyq oiyn-saýyq: muz aidyndary, slaidtar men fotoaimaqtar qarastyrylǵan.
Ortalyq saiabaqta uzyndyǵy 290 metr bolatyn jelilik muz aidyny jasalǵan, bul jerde serýendeýge, fotoaimaqtarda Aiaz atanyń shanasy men syilyqtary bar kaminmen sýretke túsýge múmkindik bar. Ortalyq kireberiste 22 metrlik shyrsha ornatylǵan, 18 jeltoqsanda onyń da shamy jarqyraidy.
«Zelenyi kvartal» TK alańyndaǵy skverde, toǵan mańynda ártúrli shaǵyn sáýlet nysandary men fotoaimaq ornatylyp, biiktigi 7 metr shyrsha qoiyldy.
«Úrker» turǵyn alabyndaǵy skverde muz aidyny men qar syrǵanaqtary ashyldy. Keńistik shyrshamen bezendirildi. Bul kúni biiktigi 7-den 14 metrge deiingi shyrshalar shamy «Saryarqa», «Kerýen siti», «Aziia park», «Han Shatyr» jáne «Ailand» OSO saýda-oiyn-saýyq ortalyqtarynyń janynda da jarqyraidy.
Syǵanaq pen Sh. Aitmatov kósheleriniń qiylysynda syrǵanaqtar ornatylyp, 8 metrlik shyrsha men taqyryptyq shaǵyn sáýlet nysandary ornatyldy.
Saryarqa aýdanynda alty shyrsha Jańa jyldyń sánin keltiredi
Saryarqa aýdanynda ártúrli biiktiktegi 3-ten 18 metrge deiingi alty shyrsha shamy jarqyraidy. Aýdan turǵyndary men qonaqtaryn muz syrǵanaqtary, muz aidyndary jáne atmosferalyq fotoaimaqtar kútedi. Qala alańy biiktigi 13 metr tiri shyrshamen bezendiriledi. Munda 600 sharshy metrlik muz aidyny, muz syrǵanaǵy men fotoaimaq, buǵylar men aiýlardyń jarqyraǵan beineleri daiyndaldy. Bógenbai batyr dańǵylyndaǵy skver aýmaǵynda 43 500 sh.m. muz aidyny uiymdastyrylyp, shyrsha ornatyldy. Syilyqtary bar jarqyraǵan sharlar men shana qysqy mereke atmosferasyna sán berip tur. «Kóktal» saiabaǵynda otbasylyq demalys úshin syrǵanaqtar, muz aidyny jáne 18 metrlik shyrshasy bar merekelik aimaq ashylady.
Esil ózeniniń jaǵasynda ózenniń muzynda úlken muz aidyny ashylyp, ártúrli deńgeidegi 8 syrǵanaq ornatyldy. Aýmaqta biiktigi 8 metr shyrsha ornatylady.
«Naz» teatrynyń janyndaǵy alań 3 metrlik merekelik shyrsha men taqyryptyq fotoaimaǵy bar mádeni keńistikke ainalady.
Iýbileinaia kóshesi, 22-de biiktigi 8 metr tiri shyrsha bezendirilgen. «Agroqalashyq» turǵyn alabynda, Oqjetpes-Gertsen kósheleriniń qiylysynda kóńildi ýaqyt ótkizýge arnalǵan syrǵanaq, muz aidyny jáne jarqyn fotoaimaqtar ornalasqan.
Esil aýdanynda
Esil aýdanynda tórt negizgi núktege merekelik shyrshalar ornatylady.
EKSPO aýmaǵynda 23 metrlik shyrsha paida bolady, muz aidyny men syrǵanaqtar ashylady, elorda turǵyndary men qonaqtary shaǵyn arhitektýralyq nysandar aiasynda fotosýretter túsire alady. Qabanbai batyr dańǵylynyń boiyndaǵy dóńgelek alańda merekelik shyrsha ornatylady, sondai-aq aýmaqta jańa jyldyq jaryq bezendirý jasalady. Botanikalyq baqta 23 metrlik shyrsha paida bolady, aýmaq jaryq dizainymen bezendiriledi.
«Báiterek» monýmentiniń ainalasynda, «Nur Jol» býlvarynda, Máńgilik El dańǵylynda, jelilik saiabaqta, «Ulytaý» skveri siiaqty oryndar shaǵyn sáýlet nysandary men jańa jyldyq installiatsiialarmen bezendiriledi.
«Prigorodnyi» turǵyn alabynda 10 metrlik shyrsha shamy jaǵylady, muz aidyny jumys isteidi, aiýlar men juldyzdar túrindegi shaǵyn sáýlettik formalar paida bolady.
