Ushý kezinde telefonnan nemese planshetten videonyń daýysyn qosyp kóretin jolaýshylarǵa endi qatań shara qoldanylýy múmkin. Keibir jaǵdaida mundai jolaýshylarǵa áýe kompaniiasynyń reisterimen ómir boiy ushýǵa tyiym salynýy múmkin. Bul týraly Dailymail.co.uk jazdy, dep habarlaidy Dalanews.kz.
United Airlines áýekompaniiasy tasymaldaý erejelerin jańartyp, jolaýshylarǵa jeke qurylǵylardan (telefon, planshet, noýtbýk) aýdio nemese video tyńdaǵanda mindetti túrde qulaqqap qoldaný talabyn engizdi.
Jańa talapqa sáikes jolaýshy qurylǵysynan qandai da bir dybysty qulaqqapsyz tyńdasa, ony reisten túsirip, aldaǵy ýaqytta osy kompaniia ushaqtaryna otyrǵyzbaýy yqtimal.
Ózgeris tasymaldaý kelisimshartyna engizilgen. Qujatta sapar kezinde jolaýshylar ustanýǵa tiis barlyq talap kórsetilgen. Sońǵy nusqada mýzyka tyńdaǵanda, video kórgende nemese dybys shyǵaratyn qosymsha paidalanǵanda qulaqqap taǵý mindetteledi. Erejeni oryndaýdan bas tartqan adamdar reiske jiberilmeýi nemese onyń keiingi saparlaryna shekteý qoiylýy múmkin.
United Airlines saitynda qulaqqabyn umytyp ketken jolaýshylar bortserikterden tegin qulaqqap surai alatyny da jazylǵan.
Aita keteiik, keiingi kezde reis kezinde videony nemese mýzykany daýystap qosatyn jolaýshylarǵa shaǵym kóbeigen.
