«Turkistan International Airport» JSHS ınvestory áýejaıdyń qurylysyn júrgizýde. Merdiger mekeme – túrkıalyq «YDA Group» kompanıasy. Qazirgi tańda qurylys alańynda ınvestordyń 341 jumysshysy men 106 birlik tehnıkasy jumyldyrylǵan.
Búginde, áýejaı termınalynyń konstrýksıalyq jumystarynyń 90 paıyzy aıaqtalǵan. Ushý-qoný jolaǵy men perronnyń 2 qabat shaǵal-tasty qospasy jáne rúldeý jolynyń 1 qabat shaǵal-tasty tóseliminiń jumysy aıaqtaldy.
Áýejaıdy paıdalanýǵa berý merzimi – joba boıynsha memlekettik jekeshelik áriptestik kelisim sharty rásimdelgennen keıin ǵana belgili bolady. Aldyn ala boljam boıynsha 2020 jyldyń aıaǵyna deıin qurylys jumystaryn aıaqtaý josparlanyp otyr.
Aıta keterligi, áýejaı termınalynyń jolaýshylardy ótkizý múmkindigi - saǵatyna 450 jolaýshy, aýmaǵy 10,5 myń sharshy metr, al ushý-qoný jolaǵynyń parametri 3300h45 metrdi quraıtyn bolady.
Túrkistan oblysynyń Óńirlik komýnıkasıalar qyzmeti
