Jańa "Álippede" kirillitsa qarpi qoldanylady
"Búgingi tańda kirillitsa álipbiine negizdelgen áripterdi paidalanyp júrmiz. Bul álipbi 42 áripke negizdelgen. Osynyń negizinde "Álippeniń" oqý baǵdarlamasy ázirlendi. Alaida aldymyzda latyn grafikasyna birjolata aýysý muraty tur. Qalai bolǵanda da bul baǵdarlamany ýaqyt óte latyn álipbiine kóshiremiz. Ol jobany sailap qoidyq, alaida baǵdarlama áli de bolsa pysyqtaýdy talap etedi", - dedi Adamova Ortkom qyzmetinde ótken sharada.
Aita ketelik búgin ǵana BǴM vitse-ministri Sholpan Kárinova "Álippe" oqýlyǵynyń bekitilgenin habarlaǵan bolatyn. Onyń atap ótkenindei, "Álippe" oqýlyǵyn shyǵarý jumysy bastalady. Alaida birinshi kezekte oqýlyq aprobatsiiadan ótedi. Osy maqsatta pilottyq mektepterdiń tizimi jasalǵan. Bul is 2021 jyldyń qańtar aiyna josparlanǵan.
"Oqýylyqty asyqpai, saraptamanyń ótkizip qana jańa oqý jylyna engizemiz. "Álippeni" 2021-2022 oqý jylyna engizý josparda bar. Buǵan sai tiis jumys júrýde. Ózderińiz biletindei, jeltoqsan aiynda "Álippe" oqýlyǵymen qoshtasý ótkizetinbiz. Jańa baǵdarlama da soǵan negizdelgen. Úshinshi jáne tórtinshi toqsanda oqýshylar ári qarai "Ana tiline" kóshedi ", - dedi Kárinova.
