"بۇگىنگى تاڭدا كيريلليسا الىپبيىنە نەگىزدەلگەن ارىپتەردى پايدالانىپ ءجۇرمىز. بۇل ءالىپبي 42 ارىپكە نەگىزدەلگەن. وسىنىڭ نەگىزىندە "الىپپەنىڭ" وقۋ باعدارلاماسى ازىرلەندى. الايدا الدىمىزدا لاتىن گرافيكاسىنا ءبىرجولاتا اۋىسۋ مۇراتى تۇر. قالاي بولعاندا دا بۇل باعدارلامانى ۋاقىت وتە لاتىن الىپبيىنە كوشىرەمىز. ول جوبانى سايلاپ قويدىق، الايدا باعدارلاما ءالى دە بولسا پىسىقتاۋدى تالاپ ەتەدى"، - دەدى اداموۆا ورتكوم قىزمەتىندە وتكەن شارادا.
ايتا كەتەلىك بۇگىن عانا بعم ۆيسە-مينيسترى شولپان كارىنوۆا "الىپپە" وقۋلىعىنىڭ بەكىتىلگەنىن حابارلاعان بولاتىن. ونىڭ اتاپ وتكەنىندەي، "الىپپە" وقۋلىعىن شىعارۋ جۇمىسى باستالادى. الايدا ءبىرىنشى كەزەكتە وقۋلىق اپروباسيادان وتەدى. وسى ماقساتتا پيلوتتىق مەكتەپتەردىڭ ءتىزىمى جاسالعان. بۇل ءىس 2021 جىلدىڭ قاڭتار ايىنا جوسپارلانعان.
"وقۋىلىقتى اسىقپاي، ساراپتامانىڭ وتكىزىپ قانا جاڭا وقۋ جىلىنا ەنگىزەمىز. "الىپپەنى" 2021-2022 وقۋ جىلىنا ەنگىزۋ جوسپاردا بار. بۇعان ساي ءتيىس جۇمىس جۇرۋدە. وزدەرىڭىز بىلەتىندەي، جەلتوقسان ايىندا "الىپپە" وقۋلىعىمەن قوشتاسۋ وتكىزەتىنبىز. جاڭا باعدارلاما دا سوعان نەگىزدەلگەن. ءۇشىنشى جانە ءتورتىنشى توقساندا وقۋشىلار ءارى قاراي "انا تىلىنە" كوشەدى "، - دەدى كارىنوۆا.
