Elbasynyń qazaq tili álipbıin kırılısadan latyn grafıkasyna kóshirý týraly Jarlyǵyn alakóldikter qýana qoldaýda. El qýanyshy aýdan kóleminde ótkizilgen forým aıasynda baıqaldy.
Zeınep Qoıshybaeva atyndaǵy Mádenıet úıinde ótken «Jańa álipbı –uly dáýir bastaýy» atty oblystyq qoldaý forýmynyń alǵy sózi aýdan ákimi Álibek Jaqanbaevqa berildi. Aýdan basshysy Elbasynyń rýhanı jańǵyrý baǵdarlamasy aıasynda óńir boıynsha atqarylyp jatqan jumystardy tilge tıek etti. Sonyń ishinde Elbasynyńlatyn grafıkasyna kóshý týraly erekshe toqtaly.
Latyn álipbıine kóshý – Elbasymyzdyń alǵa qoıǵa aýqymdy maqsaty. Álipbıdi ózgertý, Máńgilik eldiń Máńgilik tili úshin qajet – «Jańa álipbı – uly dáýir bastaýy» atty oblystyq qoldaý forýmynda Almaty oblysynyń tilderdi damytý jónindegi basqarmasynyń basshysy, top jetekshisi Aıdar Bashbaev osylaı dedi. Óz sózinde ol latyn grafıkasyna kóshýdiń mańyzdylyǵyn aıtyp ótti.
Forým aıasynda toptyń beldi músheleri «Ólke» JSHS dırektory Meıram Janádilov, oblystyq «Jetisý» gazeti redaksıasynyń meńgerýshisi Qýanysh Tunǵatar da sóz alyp, latyn grafıkasyna kóshý týraly salmaqty oılaryn ortaǵa saldy.
«Jańa álipbı – uly dáýir bastaýy» atty oblystyq qoldaý forýmynda aýdandyq Analar keńesiniń tóraǵasy, Alakól aýdanynyń Qurmetti azamaty Uljalǵas Dúısebaeva Elbasynyń qazq tili álipbıin latyn grafıkasyna kóshý týraly óz oıymen bólisti. Ol latyn qarpi bizge tańsyq dúnıe emestigin, álemde keńinen qoldanatyndyǵyn aıtty. –Latyn álipbıine kóshý ultymyzdyń sanasyn búǵaýdan bostyp, túrki jáne jahandyq álipbımen yqpaldasýǵa, qazaq halqy erteden qoldanǵan álipbıimizge qaıta oralyp, ulttyq sananyń jańǵyrýyna jol ashady» - dedi.
Al «Alakól» aýdandyq gazetiniń tilshisi Almat Esenbekov oblystyq qoldaý forýmynyń úndeýin jarıa etti.
«Latyn qarpi – baıandy bolashaqtyń álipbıi, kemel keleshektiń kepili. Latyn grafıkasy ǵylym men bilimniń, jańa tehnologıa men jalpy damýdyń álipbıi sanaladay.Ulttyq sanaǵa uıyǵan ulaǵatty urpaq jańǵyrýdyń jazýymyzdan bastaý alý kerektigin bek túsinedi. Qazaq rýhanıatynyń rýhanı azyǵy tilinde jatyr. Tilimizdiń jańǵyrýy kúlli alash balasynyń qaıta túleýi, rýhanı jandanýy dep bilemiz». Alakóldikter Elbasynyń qazaq tili álipbıin latyn grafıkasyna kóshirý týraly Jarlyǵyn qoldap, qaýattaıdy delingen úndeýde.
«Jańa álipbı –uly dáýir bastaýy atty oblystyq qoldaý forýmy aýdan ónerpazdarynyń konsertine ulasty.
Osy kúni Almaty oblysynyń aqparattyq top músheleri aýdanǵa qarasty Qabanbaı jáne Ekpindi aýyldarynyyń halqymen júzdesti.
https://dalanews.kz/31877
