Elbasynyń qazaq tili álipbiin kirillitsadan latyn grafikasyna kóshirý týraly Jarlyǵyn alakóldikter qýana qoldaýda. El qýanyshy aýdan kóleminde ótkizilgen forým aiasynda baiqaldy.
Zeinep Qoishybaeva atyndaǵy Mádeniet úiinde ótken «Jańa álipbi –uly dáýir bastaýy» atty oblystyq qoldaý forýmynyń alǵy sózi aýdan ákimi Álibek Jaqanbaevqa berildi. Aýdan basshysy Elbasynyń rýhani jańǵyrý baǵdarlamasy aiasynda óńir boiynsha atqarylyp jatqan jumystardy tilge tiek etti. Sonyń ishinde Elbasynyńlatyn grafikasyna kóshý týraly erekshe toqtaly.
Forým aiasynda toptyń beldi músheleri «Ólke» JShS direktory Meiram Janádilov, oblystyq «Jetisý» gazeti redaktsiiasynyń meńgerýshisi Qýanysh Tunǵatar da sóz alyp, latyn grafikasyna kóshý týraly salmaqty oilaryn ortaǵa saldy.
«Jańa álipbi – uly dáýir bastaýy» atty oblystyq qoldaý forýmynda aýdandyq Analar keńesiniń tóraǵasy, Alakól aýdanynyń Qurmetti azamaty Uljalǵas Dúisebaeva Elbasynyń qazq tili álipbiin latyn grafikasyna kóshý týraly óz oiymen bólisti. Ol latyn qarpi bizge tańsyq dúnie emestigin, álemde keńinen qoldanatyndyǵyn aitty. –Latyn álipbiine kóshý ultymyzdyń sanasyn búǵaýdan bostyp, túrki jáne jahandyq álipbimen yqpaldasýǵa, qazaq halqy erteden qoldanǵan álipbiimizge qaita oralyp, ulttyq sananyń jańǵyrýyna jol ashady» - dedi.
Al «Alakól» aýdandyq gazetiniń tilshisi Almat Esenbekov oblystyq qoldaý forýmynyń úndeýin jariia etti.
«Jańa álipbi –uly dáýir bastaýy atty oblystyq qoldaý forýmy aýdan ónerpazdarynyń kontsertine ulasty.
Osy kúni Almaty oblysynyń aqparattyq top músheleri aýdanǵa qarasty Qabanbai jáne Ekpindi aýyldarynyyń halqymen júzdesti.
https://dalanews.kz/31877
