Áleýmettik jelilerde Jambyl oblysy boiynsha quqyqtyq statistika jáne arnaiy esepke alý komiteti departamenti qyzmetkeri Áliia Qojabekovanyń taǵy bir beineúndeýi tarady, - dep habarlaidy Dalanews.kz.
Bul joly da ol Prezidentten kómek suraǵan. Qojabekovanyń sózinshe, Bas prokýratýranyń qyzmetkerleri teksergennen keiin kóptegen zańbuzýshylyq anyqtalǵan. Ol bul jaitqa bei-jai qaramaǵany úshin Prezidentke alǵys aitty.
Degenmen, jambyldyq prokýrordyń sózinshe, tekseris kezinde 2022-2025 jyldar aralyǵy qamtylǵan, buǵan deiingi jaittar ashylmaǵan.
"Sebebi Bas prokýratýradan kelgen qyzmetkerler aqparattandyrý, aqparattyq tehnologiialar salasyndaǵy mamandar emes. Meniń oiymsha, olarda arnaiy daǵdy bolmaǵandyqtan, Jambyl oblysy boiynsha departamentte qalyptasqan búkil júieni anyqtai almady", - dedi ol.
Ol mundai derekter SDTBT derekqoryndaǵy zańbuzýshylyqtardy tolyq anyqtai almaǵandary úshin jabýly kúiinde qalmaýy kerek ekenin jetkizdi. Ol bul iske aqparattyq tehnologiia salasyndaǵy mamandardy, mysaly, Tsifrlyq damý, innovatsiialar jáne aeroǵarysh ónerkásibi ministrliginiń vedomstvolary jáne basqalaryn tartý kerek ekenin málimdedi.
"Tekseris nátijeleri, tekseris anyqtamalary, qorytyndylar, málimetter maǵan berilmedi. Sondyqtan Bas prokýratýradan tekseristiń bastamashysy ekenimdi jáne bul zańnamaǵa qaishy kelmeitinin eskere otyryp, tekseris materialdarynyń kóshirmelerin maǵan joldaýdy suraimyn", - dedi ol.
Buǵan deiingi jaǵdai
Eske salaiyq, buǵan deiin Áliia Qojabekova 2024 jyly Bas prokýror Berik Asylovqa, komitet tóraǵasy Nurlybai Sábitke, sondai-aq, Prezident ákimshiligine birneshe ret resmi túrde hat jazyp, Jambyl oblysy boiynsha departamenttegi zańbuzýshylyqtar týraly málimdegenin aitty. Sonymen qatar, UQK men Sybailas jemqorlyqqa qarsy agenttikke de resmi túrde júgingen.
Keiinirek Bas prokýratýra bul iske qatysty jaýap qatty.
"Bas prokýrordyń tapsyrmasy boiynsha aitylǵan ýájderdi tekserý úshin Jambyl oblysyna Bas prokýratýranyń Ishki qaýipsizdik departamenti men tiisti qurylymdyq bólimshesiniń qyzmetkerleri, sondai-aq, komitet tóraǵasynyń orynbasary kiretin jumys toby jiberildi", dedi vedomstvo ókilderi buǵan deiin.
