Jambyldaǵy shurq-tesik joldar úshin shendiler jaýapqa tartyldy, dep habarlaidy Dalanews.kz.
7 ai ishinde tasjoldarda 2 111 tekseris ótip, 14 988 shaqyrym jol jabyny qaralǵan. Tekseris nátijesinde jol tańbasy búlinýinen bastap infraqurylymnyń tehnikalyq talaptarǵa sáikes kelmeýine deiin túrli sipattaǵy 9 494 aqaý anyqtalǵan.
Jol uiymdaryna anyqtalǵan kemshilikterdi joiý jóninde 2 111 nusqaý berilgen.
"Bul rette tek nusqaý berýmen shektelmeimiz, jol qaýipsizdigin qamtamasyz etpegeni úshin jaýapty laýazymdy tulǵalar ákimshilik jaýapkershilikke tartylady. Adamdardyń qaýipsizdigi - bizdiń basty basymdyǵymyz", - dedi Jambyl oblysy PD ákimshilik politsiia basqarmasynyń jol-tehnikalyq inspektsiia bóliminiń bastyǵy Azamat Baqytuly.
Oblys kóleminde 263 laýazymdy tulǵa jaýapqa tartylǵan.
Sonymen qatar, berilgen nusqaýdy oryndamaǵany úshin turǵyn úi-kommýnaldyq sharýashylyq bólimderine jáne "QazAvtoJol" UK" AQ Jambyl oblystyq filialyna QR ÁQBtK-niń 462-baby 3-bóligi boiynsha 31 ákimshilik hattama toltyrylǵan.
