جامبىلداعى شۇرق-تەسىك جولدار ءۇشىن شەندىلەر جاۋاپقا تارتىلدى، دەپ حابارلايدى Dalanews.kz.
7 اي ىشىندە تاسجولداردا 2 111 تەكسەرىس ءوتىپ، 14 988 شاقىرىم جول جابىنى قارالعان. تەكسەرىس ناتيجەسىندە جول تاڭباسى بۇلىنۋىنەن باستاپ ينفراقۇرىلىمنىڭ تەحنيكالىق تالاپتارعا سايكەس كەلمەۋىنە دەيىن ءتۇرلى سيپاتتاعى 9 494 اقاۋ انىقتالعان.
جول ۇيىمدارىنا انىقتالعان كەمشىلىكتەردى جويۋ جونىندە 2 111 نۇسقاۋ بەرىلگەن.
"بۇل رەتتە تەك نۇسقاۋ بەرۋمەن شەكتەلمەيمىز، جول قاۋىپسىزدىگىن قامتاماسىز ەتپەگەنى ءۇشىن جاۋاپتى لاۋازىمدى تۇلعالار اكىمشىلىك جاۋاپكەرشىلىككە تارتىلادى. ادامداردىڭ قاۋىپسىزدىگى - ءبىزدىڭ باستى باسىمدىعىمىز"، - دەدى جامبىل وبلىسى پد اكىمشىلىك پوليسيا باسقارماسىنىڭ جول-تەحنيكالىق ينسپەكسيا ءبولىمىنىڭ باستىعى ازامات باقىت ۇلى.
وبلىس كولەمىندە 263 لاۋازىمدى تۇلعا جاۋاپقا تارتىلعان.
سونىمەن قاتار، بەرىلگەن نۇسقاۋدى ورىنداماعانى ءۇشىن تۇرعىن ۇي-كوممۋنالدىق شارۋاشىلىق بولىمدەرىنە جانە "قازاۆتوجول" ۇك" اق جامبىل وبلىستىق فيليالىنا ق ر اقبتك-نىڭ 462-بابى 3-بولىگى بويىنشا 31 اكىمشىلىك حاتتاما تولتىرىلعان.
