Jambyl oblystyq máslihat depýtaty Qairat Terlikbaev asylyp qalǵan jerinen tabyldy. Aldyn ala nusqa boiynsha, ol óz-ózine qol salǵan bolýy múmkin.
Oblystyq prokýror qyzmetin ýaqytsha atqarýshy Aidos Mailybaevtyń jýrnalisterge habarlaýynsha, 56 jastaǵy Qairat Terlikbaevtyń 5 tamyzda Lýgovoidaǵy óz úiinde asylyp turǵanyn depýtattyń áieli kórgen.
"Óz-ózine qol jumsaýǵa deiin jetkizý" baby boiynsha tergeý júrip jatyr.
Prokýratýra ókiliniń sózine qaraǵanda, marqumnyn denesinen zorlyq izderi baiqalmaǵan. Sot-meditsinalyq saraptama Merke aýylynda júrgiziledi. Terlikbaev qoshtasý hatyn tastamaǵan.
Qairat Terlikbaev "Qazaqstan temir joly" kompaniiasynyń filialy "Lýgovoi rels jelimdeý kásiporynynyń" direktory bolyp istegen.
