Jambyl oblysynda ornalasqan áskeri bólimderdiń birinde merzimdi áskeri qyzmettegi sarbaz oqqa ushyp qaitys bolǵan. Qorǵanys ministrligi qaiǵyly oqiǵaǵa qatysty resmi málimdeme jasady, dep habarlaidy Dalanews.kz
Qazaqstan Respýblikasy Qorǵanys ministrligi men Qarýly Kúshteriniń basshylyǵy Jambyl oblysynda qarýdy paidalaný kezinde alǵan oq jaraqat saldarynan qaza tapqan áskeri qyzmetshiniń týǵan-týystary men jaqyndaryna qaiǵyra kóńil aitady. Marqumnyń otbasyna barlyq qajetti kómek pen jan-jaqty qoldaý kórsetiledi, - dep jazylǵan resmi habarlama.
Atalǵan fakt boiynsha Qazaqstan Respýblikasy Ishki ister ministrliginiń áskeri-tergeý organdary qylmystyq is qozǵady. Qazirgi ýaqytta sotqa deiingi tergep-tekserý júrgizilip jatyr.
Qaiǵylia oqiǵanyń mán-jailaryn obektivti jáne jan-jaqty anyqtaý maqsatynda oqiǵa ornyna Qorǵanys ministriniń orynbasary general-maior Shaih-Hasan Jazyqbaevtyń basshylyǵymen komissiia jiberilgen. Al barlyq jaǵdaidy Qorǵanys ministri jeke baqylaýynda ustap otyr eken.
