جامبىل وبلىسىندا ورنالاسقان اسكەري بولىمدەردىڭ بىرىندە مەرزىمدى اسكەري قىزمەتتەگى سارباز وققا ۇشىپ قايتىس بولعان. قورعانىس مينيسترلىگى قايعىلى وقيعاعا قاتىستى رەسمي مالىمدەمە جاسادى، دەپ حابارلايدى Dalanews.kz
قازاقستان رەسپۋبليكاسى قورعانىس مينيسترلىگى مەن قارۋلى كۇشتەرىنىڭ باسشىلىعى جامبىل وبلىسىندا قارۋدى پايدالانۋ كەزىندە العان وق جاراقات سالدارىنان قازا تاپقان اسكەري قىزمەتشىنىڭ تۋعان-تۋىستارى مەن جاقىندارىنا قايعىرا كوڭىل ايتادى. مارقۇمنىڭ وتباسىنا بارلىق قاجەتتى كومەك پەن جان-جاقتى قولداۋ كورسەتىلەدى، - دەپ جازىلعان رەسمي حابارلاما.
اتالعان فاكت بويىنشا قازاقستان رەسپۋبليكاسى ىشكى ىستەر مينيسترلىگىنىڭ اسكەري-تەرگەۋ ورگاندارى قىلمىستىق ءىس قوزعادى. قازىرگى ۋاقىتتا سوتقا دەيىنگى تەرگەپ-تەكسەرۋ جۇرگىزىلىپ جاتىر.
قايعىليا وقيعانىڭ ءمان-جايلارىن وبەكتيۆتى جانە جان-جاقتى انىقتاۋ ماقساتىندا وقيعا ورنىنا قورعانىس ءمينيسترىنىڭ ورىنباسارى گەنەرال-مايور شايح-حاسان جازىقبايەۆتىڭ باسشىلىعىمەن كوميسسيا جىبەرىلگەن. ال بارلىق جاعدايدى قورعانىس ءمينيسترى جەكە باقىلاۋىندا ۇستاپ وتىر ەكەن.
