Reseilik investor «EvroHim» Qazaqstanda mineraldy tyńaitqyshtar shyǵaratyn iri zaýyt salady, dep habarlaidy Dalanews.kz.
Jambyl oblysynda himiia keshenin jobalaý, salý jáne paidalanýǵa berý týraly kelisim-shartqa reseilik «EvroHim» jáne Qytaidyń Qytai ulttyq injiniringtik kompaniiasy (CNCEC) qol qoidy.
«Azyq-túlik qaýipsizdigi jerdiń nemese sýdyń bolýymen ǵana shektelmeidi. Bul onyń negizgi irgetasy, biraq shyn máninde azyq-túlik qaýipsizdigin qamtamasyz etý úshin tyńaitqysh qajet. Sondyqtan biz úshin bul óte mańyzdy joba. Biz ony Eýrohimmen jáne qytailyq seriktestermen birigip júzege asyramyz. Bul óte úlken Eýraziialyq kooperatsiianyń eń jaqsy mysaly. Óńirlik azyq-túlik qaýipsizdigi úshin bul óte úlken oqiǵa», - dedi Ónerkásip jáne qurylys ministri Qanat Sharlapaev kelisimshartqa qol qoiý rásiminde.
Zaýyttyń qýaty jylyna 1 mln tonnadan astam mineraldy tyńaitqyshtar men ónerkásiptik ónimderdi óńdeý. Kásiporynda 2,4 myńnan astam jańa jumys orny qurylady jáne jumyspen qamtylǵandardyń keminde 80%-y Qazaqstan azamattary bolady.
«Qazaqstan – Ortalyq Aziia naryǵyndaǵy «EvroHim» úshin negizgi el, biz úshin investor retinde asa tartymdy. Biz jańa keshenniń tyńaitqyshtary aýyl sharýashylyǵy salasy men eldiń eksporttyq áleýetin damytýda mańyzdy ról atqarady dep sanaimyz. Menshikti distribýtsiia jelisi jáne bizdiń «Kenishten fermaǵa deiin» qaǵidaty diqandardyń joǵary sapaly tyńaitqyshtarǵa qol jetkizýin qamtamasyz ete otyryp, Qazaqstannyń jáne ózge de elderdiń aýyl sharýashylyǵy ónimderin óndirý kólemin ulǵaitýǵa yqpal etedi», - dedi «EvroHim» tobynyń prezidenti Oleg Shiriaev.
Jalpy, Qazaqstandaǵy reseilik investordyń investitsiialyq jobasy úsh kezeńnen turady. Birinshi jobanyń aiasynda jylyna 640 myń tonna fosforit unyn óndiretin taý-ken kesheni salyndy. Ekinshi kezeń 2026 jyly paidalanýǵa beriletin kúkirt qyshqyly óndirisiniń qurylysyn, al úshinshi kezeń – 2027 jyly iske qosylatyn himiialyq keshen qurýdy kózdeidi. Osylaisha, investitsiialardyń jalpy kólemi $1 mlrd bolady.
Anyqtama úshin:
«EvroHim» - Reseidegi mineraldy tyńaitqyshtar óndirisindegi eń iri investor. Sońǵy birneshe jylda kompaniia RF birqatar jańa óndiristik qýatty iske qosty, sonymen qatar Leningrad oblysyndaǵy Evrohim – Soltústik-Batys-2, Stavropol ólkesinde kalii nitratyn óndiretin ammiak pen karbamid óndiretin zaýyttyń qurylysyn júrgizýde. 2024 jyldyń naýryz aiynda kompaniia Braziliiada fosfatty tyńaitqysh óndiretin zamanaýi keshen ashty.
CNCEC – munai-himiia salasy kásiporyndaryn, onyń ishinde Qazaqstanda qurylys salý tájiribesi mol jetekshi ónerkásiptik injiniringtik kompaniianyń biri.
