Jambyl oblysynda prokýrorlar 108 mln teńgeden astam biýdjet qarajatynyń jymqyrylý faktisin anyqtady, dep habarlaidy Dala News.
Oblys prokýratýrasynyń málimetinshe, Merki aýdany ákimdiginiń sáýlet, qala qurylysy jáne qurylys bólimine qatysty taldaý júrgizilgen.
Tekserý barysynda bólim Mynqazan aýylyndaǵy turǵyn úi massivine elektr jelilerin salý boiynsha is júzinde oryndalmaǵan jumystar úshin merdiger uiymǵa qarajat aýdarǵany belgili bolǵan.
Osynyń saldarynan memleketke 108 mln teńge kóleminde zalal keltirilgen.
Atalǵan derek boiynsha 2026 jylǵy 30 naýryzda Qylmystyq kodekstiń 189-baby 4-bóligi 2-tarmaǵy boiynsha sotqa deiingi tergeý bastaldy. Is odan ári tergeý júrgizý úshin UQK-niń Jambyl oblysy boiynsha departamentine joldanǵan.
Qazirgi ýaqytta sotqa deiingi tergep-tekserý júrgizilip jatyr. QR QPK-niń 201-babyna sáikes ózge málimetter jariia etilmeidi.
