جامبىل وبلىسىندا پروكۋرورلار 108 ملن تەڭگەدەن استام بيۋدجەت قاراجاتىنىڭ جىمقىرىلۋ فاكتىسىن انىقتادى، دەپ حابارلايدى Dala News.
وبلىس پروكۋراتۋراسىنىڭ مالىمەتىنشە، مەركى اۋدانى اكىمدىگىنىڭ ساۋلەت، قالا قۇرىلىسى جانە قۇرىلىس بولىمىنە قاتىستى تالداۋ جۇرگىزىلگەن.
تەكسەرۋ بارىسىندا ءبولىم مىنقازان اۋىلىنداعى تۇرعىن ءۇي ماسسيۆىنە ەلەكتر جەلىلەرىن سالۋ بويىنشا ءىس جۇزىندە ورىندالماعان جۇمىستار ءۇشىن مەردىگەر ۇيىمعا قاراجات اۋدارعانى بەلگىلى بولعان.
وسىنىڭ سالدارىنان مەملەكەتكە 108 ملن تەڭگە كولەمىندە زالال كەلتىرىلگەن.
اتالعان دەرەك بويىنشا 2026 جىلعى 30 ناۋرىزدا قىلمىستىق كودەكستىڭ 189-بابى 4-بولىگى 2-تارماعى بويىنشا سوتقا دەيىنگى تەرگەۋ باستالدى. ءىس ودان ءارى تەرگەۋ جۇرگىزۋ ءۇشىن ۇقك-نىڭ جامبىل وبلىسى بويىنشا دەپارتامەنتىنە جولدانعان.
قازىرگى ۋاقىتتا سوتقا دەيىنگى تەرگەپ-تەكسەرۋ جۇرگىزىلىپ جاتىر. ق ر قپك-نىڭ 201-بابىنا سايكەس وزگە مالىمەتتەر جاريا ەتىلمەيدى.
