Reseılik ınvestor «EvroHım» Qazaqstanda mıneraldy tyńaıtqyshtar shyǵaratyn iri zaýyt salady, - dep habarlaıdy Dalanews.
Jambyl oblysynda hımıa keshenin jobalaý, salý jáne paıdalanýǵa berý týraly kelisim-shartqa reseılik «EvroHım» jáne Qytaıdyń Qytaı ulttyq ınjınırıńtik kompanıasy (CNCEC) qol qoıdy.
«Azyq-túlik qaýipsizdigi jerdiń nemese sýdyń bolýymen ǵana shektelmeıdi. Bul onyń negizgi irgetasy, biraq shyn máninde azyq-túlik qaýipsizdigin qamtamasyz etý úshin tyńaıtqysh qajet. Sondyqtan biz úshin bul óte mańyzdy joba. Biz ony Eýrohımmen jáne qytaılyq seriktestermen birigip júzege asyramyz. Bul óte úlken Eýrazıalyq kooperasıanyń eń jaqsy mysaly. Óńirlik azyq-túlik qaýipsizdigi úshin bul óte úlken oqıǵa», - did Ónerkásip jáne qurylys mınıstri Qanat Sharlapaev kelisimshartqa qol qoıý rásiminde.
Zaýyttyń qýaty jylyna 1 mln tonnadan astam mıneraldy tyńaıtqyshtar men ónerkásiptik ónimderdi óńdeý. Kásiporynda 2,4 myńnan astam jańa jumys orny qurylady jáne jumyspen qamtylǵandardyń keminde 80%-y Qazaqstan azamattary bolady.
«Qazaqstan – Ortalyq Azıa naryǵyndaǵy «EvroHım» úshin negizgi el, biz úshin ınvestor retinde asa tartymdy. Biz jańa keshenniń tyńaıtqyshtary aýyl sharýashylyǵy salasy men eldiń eksporttyq áleýetin damytýda mańyzdy ról atqarady dep sanaımyz. Menshikti dıstrıbýsıa jelisi jáne bizdiń «Kenishten fermaǵa deıin» qaǵıdaty dıqandardyń joǵary sapaly tyńaıtqyshtarǵa qol jetkizýin qamtamasyz ete otyryp, Qazaqstannyń jáne ózge de elderdiń aýyl sharýashylyǵy ónimderin óndirý kólemin ulǵaıtýǵa yqpal etedi», - dedi «EvroHım» tobynyń prezıdenti Oleg Shıráev.
Jalpy, Qazaqstandaǵy reseılik ınvestordyń ınvestısıalyq jobasy úsh kezeńnen turady. Birinshi jobanyń aıasynda jylyna 640 myń tonna fosforıt unyn óndiretin taý-ken kesheni salyndy. Ekinshi kezeń 2026 jyly paıdalanýǵa beriletin kúkirt qyshqyly óndirisiniń qurylysyn, al úshinshi kezeń – 2027 jyly iske qosylatyn hımıalyq keshen qurýdy kózdeıdi. Osylaısha, ınvestısıalardyń jalpy kólemi $1 mlrd bolady.
«EvroHım» - Reseıdegi mıneraldy tyńaıtqyshtar óndirisindegi eń iri ınvestor. Sońǵy birneshe jylda kompanıa RF birqatar jańa óndiristik qýatty iske qosty, sonymen qatar Lenıngrad oblysyndaǵy Evrohım – Soltústik-Batys-2, Stavropol ólkesinde kalıı nıtratyn óndiretin amıak pen karbamıd óndiretin zaýyttyń qurylysyn júrgizýde. 2024 jyldyń naýryz aıynda kompanıa Brazılıada fosfatty tyńaıtqysh óndiretin zamanaýı keshen ashty.
CNCEC – munaı-hımıa salasy kásiporyndaryn, onyń ishinde Qazaqstanda qurylys salý tájirıbesi mol jetekshi ónerkásiptik ınjınırıńtik kompanıanyń biri.
