Jambyl oblysynda eki adam jaıylymdaǵy jylqyny atqan, dep habarlaıdy Dalanews.kz.
Talas aýdanynyń turǵyny jaıylymdaǵy jylqylaryn tekserý kezinde kúdik týdyrǵan Volkswagen Passat markaly kóligin baıqap, polısıaǵa habar bergen. Kólik Úsharal aýyly mańynda toqtatyldy.
"Tekseris barysynda kóliktiń júk salǵyshy men salonynan jylqynyń bólshektelgen eti, mal soıýǵa arnalǵan quraldar, ańshy myltyǵy tárkilendi. Kúdiktiler jaıylymdaǵy jylqyny atyp alyp, sol jerde soıǵany belgili boldy", - dedi polısıa.
Bul derekke qatysty sotaldy tergep-tekserý bastaldy.
Kúdiktiler - 49 jáne 65 jastaǵy eki er adam. Olar kinásin moıyndap, ýaqytsha ustaý ızolátoryna qamaldy. Kólik arnaıy aıyp turaǵyna qoıyldy.
